School Zone

നിലനില്‍പ്പിനേക്കാള്‍ വലുതാണോ നിയമങ്ങളും കരാറുകളും?

2011-12-03T08:41:00.006+05:30

മുല്ലപ്പെരിയാര്‍ കരാറിന്‍റെ നിയമ സാധുത പുന:പരിശോധിച്ച് പൊളിച്ചെഴുതാന്‍ തടസ്സമായി നില്‍ക്കുന്നത് ദുര്‍ബലമായ ഒരു കോടതി വിധി ആണെങ്കില്‍ , ആ കോടതി വിധിയെ മറികടക്കാന്‍ മുപ്പതു ലക്ഷം ആളുകളുടെ ജീവനേക്കാള്‍ വലിയ ഒരു കാരണം ആവശ്യമുണ്ടോ ? അതുകൊണ്ട് എടുക്കേണ്ട നടപടികള്‍ ഒരു നിമിഷം പാഴാക്കാതെ എടുത്ത് , കേരളീയരുടെ തലയ്ക്കു മുകളില്‍ തൂങ്ങുന്ന മുല്ലപ്പെരിയാര്‍ എന്ന ഡെമോക്ലസിന്റെ വാള്‍ എടുത്ത് മാറ്റാന്‍ കേരളം ആര്‍ജ്ജവം കാണിക്കണം. നിലനില്‍പ്പിനെക്കാള്‍ വലുതല്ല നിയമങ്ങളും കരാറുകളും !!! തമിഴനും മലയാളിയും മനുഷ്യനാണ്. ഒരു വിഭാഗം വെള്ളം കിട്ടാതെയും മറ്റൊരു വിഭാഗം വെള്ളത്തില്‍ മുങ്ങിയും മരിക്കുന്ന അവസ്ഥ വരരുത്.

ഇന്നത്തെ സാഹചര്യത്തില്‍, ഈ വിഷയത്തിന്റെ ഗൌരവം എത്രമാത്രമെന്ന് ബോധ്യപ്പെടാന്‍ ‘മുല്ലപ്പെരിയാര്‍ : യാഥാര്‍ത്ഥ്യങ്ങളുടെ നേര്‍ക്കാഴ്ചകള്‍’ എന്ന ഈ മലയാളം ഡൊക്യുമെന്ററി കാണുക

മുല്ലപ്പെരിയാര്‍ ഡോക്യുമെന്ററി : ഭാഗം - 1

മുല്ലപ്പെരിയാര്‍ ഡോക്യുമെന്ററി : ഭാഗം - 2

മുല്ലപ്പെരിയാര്‍ ഡോക്യുമെന്ററി : ഭാഗം - 3

മുല്ലപ്പെരിയാര്‍ ഡോക്യുമെന്ററി : ഭാഗം - 4

എന്താണ് മുല്ലപ്പെരിയാർ പാട്ടക്കരാർ ?

2011-12-02T22:55:00.009+05:30

പെരിയാറിന്റെ വൃഷ്ടിപ്രദേശത്ത് 8000 ഏക്കര്‍ സ്ഥലത്തിനൊപ്പം 100 ഏക്കര്‍ സ്ഥലം ഡാം നിര്‍മ്മാണത്തിനും വിട്ടുകൊടുത്തുകൊണ്ട് തിരുവിതാംകൂറും മദ്രാസ് പ്രസിഡന്‍സിയും തമ്മില്‍ 1886ല്‍ ആണ് മുല്ലപ്പെരിയാര്‍ പാട്ടക്കരാര്‍ ഒപ്പിടുന്നത്. 999കൊല്ലത്തേക്കായിരുന്നു കരാര്‍. (999 കൊല്ലത്തിന് ശേഷം വേണമെങ്കില്‍ ഇനിയൊരു 999 കൊല്ലത്തേക്ക് കൂടെ കരാര്‍ പുതുക്കാമെന്നും കരാറില്‍ പറയുന്നുണ്ട്.) പക്ഷെ, 1947ല്‍ സ്വാതന്ത്ര്യം കിട്ടിയതോടെ ഇന്ത്യയൊട്ടാകെ ബ്രിട്ടീഷുകാര്‍ വഴി ഉണ്ടാക്കപ്പെട്ട എല്ലാ കരാറുകളും സ്വാഭാവികമായും റദ്ദാക്കപ്പെട്ടു. പിന്നീട് സി.അച്ചുതമേനോന്റെ കാലത്ത് പാട്ടക്കരാറിലെ പഴയ വ്യവസ്ഥകള്‍ നിലനിര്‍ത്തിക്കൊണ്ടുതന്നെ ജലസേചനത്തിന് മാത്രമല്ല വൈദ്യുതി ഉല്‍‌പ്പാദനത്തിലും ജലം ഉപയോഗിക്കാമെന്ന നിബന്ധനങ്ങള്‍ മുന്‍‌കാലപ്രാബല്യത്തില്‍ എഴുതിച്ചേര്‍ത്ത് പാട്ടക്കരാര്‍ പുതുക്കി. 8000 ഏക്കറിന് 5 രൂപ എന്ന നിരക്കില്‍ കേരളത്തിന് കിട്ടിയിരുന്ന തുക, 8000 ഏക്കറിന് 30 രൂപ എന്ന നിരക്കില്‍ ആക്കി എന്നത് മാത്രമാണ് പുതുക്കിയ കരാറുകൊണ്ട് കേരളത്തിനുണ്ടായ നേട്ടം. കരാര്‍ വ്യവസ്ഥകളുടെ അടിസ്ഥാനത്തില്‍ പറഞ്ഞാല്‍ ഡാം കേരളത്തിന്റെ ഭൂമിയില്‍ ആണെങ്കിലും അതിന്റെ ഉടമസ്ഥര്‍ തമിഴ്‌നാടാണ്.

സോഹന്‍ റോയ് ഒരുക്കിയ 'ജലബോംബുകള്‍' (മലയാളം ഡോക്യുമെന്ററി) ഇവിടെ കാണാം.......

മുല്ലപ്പെരിയാര്‍ കേരളജനതയെ മുള്‍മുനയില്‍ നിര്‍ത്തുന്ന ആശങ്കയായി തുടരുമ്പോള്‍ ഇന്ത്യാവിഷന്‍ സ്പെഷ്യല്‍ കറസ്പോണ്ടന്റിലൂടെ മുല്ലപ്പെരിയാറിന്റെ ദുരന്തഗതി അന്വേഷിക്കുന്നു..... വീഡീയോ ഇവിടെ കാണാം....

ഡാമിന്റെ ജാതകം

1886 ല്‍ അണക്കെട്ട് നിര്‍മ്മാണം ആരംഭിച്ചു. ചുണ്ണാമ്പ്, കല്ല്, ചരല്‍, സുര്‍ക്കി(ചുണ്ണാമ്പും ചരലും ചേത്ത് ചുട്ടെടുക്കുന്ന ഇഷ്ടിക പോലുള്ള വസ്തു.) എന്നിവ ഉപയോഗിച്ചാണ് ഡാം നിര്‍മ്മിച്ചിരിക്കുന്നത്. 1876 ല്‍ ഒരുപാട് പ്രതിസന്ധികള്‍ തരണം ചെയ്തുകൊണ്ട് പെന്നി ക്വിക്ക് എന്ന എഞ്ചിനീയറുടെ നേതൃത്വത്തില്‍ ഡാംനിര്‍മ്മാണാം പൂര്‍ത്തിയാക്കപ്പെട്ടു. 442 പേരോളം നിര്‍മ്മാണപ്രവര്‍ത്തനങ്ങള്‍ക്കിടയില്‍ പല കാരണങ്ങളാല്‍ കൊല്ലപ്പെട്ടു. നിര്‍മ്മാണ കാലഘട്ടത്ത് തന്നെ 50 കൊല്ലം മാത്രമാണ് ഡാമിന് ആയുസ്സ് കല്‍‌പ്പിച്ചിരുന്നത്. ആ കാലയളവും കഴിഞ്ഞ് 66 കൊല്ലം കൂടെ തരണം ചെയ്ത ഡാമിന്റെ ഇപ്പോഴത്തെ പ്രായം 116 കൊല്ലമാണ്. തമിഴ് നാടിന് വെള്ളം കൊടുക്കുക എന്ന ഉദ്ദേശത്തോടെ മാത്രം ഉണ്ടാക്കിയ അണക്കെട്ട് ആയതുകൊണ്ട് ഇതിന് ഷട്ടറുകള്‍ ഇല്ല.

ഡാമിന്റെ ഇപ്പോഴത്തെ അവസ്ഥയും കേസും

ഡാമിന്റെ ബലക്ഷയം ഉണ്ടെന്ന് പഠനങ്ങള്‍ തെളിയിച്ചപ്പോള്‍ സുരക്ഷാ നടപടിയായി ജലനിരപ്പ് കുറക്കേണ്ടത് ആവശ്യമാകുകയും അതേച്ചൊല്ലിയുള്ള തര്‍ക്കങ്ങള്‍ കോടതിയിലേക്ക് നീങ്ങുകയും ചെയ്തു. പുതിയ ഡാം ഉണ്ടാക്കണം എന്ന ആവശ്യമാണ് കേരളത്തിന്റെ ഭാഗത്തുനിന്ന് ഉയര്‍ന്നത്. പുതിയ ഡാം ഉണ്ടാക്കി ഇപ്പോള്‍ നല്‍കുന്ന അത്രയുമോ അല്ലെങ്കില്‍ മുല്ലപ്പെരിയാറിലെ മുഴുവന്‍ വെള്ളമോ തമിഴ്‌നാടിന് നല്‍കാമെന്ന് കേരളം ഇപ്പോഴും ഉറപ്പ് നല്‍കുന്നുവെങ്കിലും തമിഴ്‌നാട് വഴങ്ങുന്നില്ല. തങ്ങള്‍ക്ക് വെള്ളം നിഷേധിക്കുകയാണ് എന്ന രീതിയിലുള്ള പ്രചരണമാണ് അവര്‍ അഴിച്ചുവിടുന്നത്. സുപ്രീം കോടതി നിയമിച്ച ഉന്നതാധികാര സമിതിക്ക് മുന്നില്‍, നാളെ നാളെ നീളെ നീളെ എന്ന മട്ടില്‍ കേസ് ഇഴഞ്ഞ് നീങ്ങിക്കൊണ്ടിരിക്കുന്നു. ഇക്കാലത്തിനിടയ്ക്ക് ബലം വര്‍ദ്ധിപ്പിക്കാനായി പല തരത്തിലുള്ള പ്രവര്‍ത്തനങ്ങള്‍ ഡാമില്‍ നടന്നിട്ടുണ്ട്. അതില്‍ കേബിള്‍ ഹാങ്കറിങ്ങ് പോലുള്ള കാര്യങ്ങള്‍ ഡാമിന്റെ ബലക്ഷയത്തിന് കാരണമായി ഭവിക്കുകയാണ് ഉണ്ടായിട്ടുള്ളത്. ദിനം‌പ്രതി ഡാമിന്റെ ബലം ക്ഷയിച്ചുകൊണ്ടിരിക്കുന്നു. കൂനിന്മേല്‍ കുരു എന്നതുപോലെ തുടര്‍ ഭൂചലനങ്ങളും വരാന്‍ തുടങ്ങിയതോടെ ഡാമില്‍ വിള്ളലുകള്‍ ഉണ്ടാകുകയും ആ വിള്ളലുകള്‍ വലുതാകുകയും ചെയ്തു. കഴിഞ്ഞ കുറെ ദിവസമായി തുടരുന്ന മഴ കാരണം ഡാമിലേക്കുള്ള നീരൊഴുക്ക് റെക്കോഡ് ഇട്ടിരിക്കുകയാണ്. അണക്കെട്ട് തകര്‍ന്നാലുള്ള ഗുരുതരാവസ്ഥ പ്രവചനാതീതമാണ്. പെട്ടെന്ന് തന്നെ വെള്ളം തുറന്ന് വിട്ട് അപകട സാദ്ധ്യത ഒഴിവാക്കാനുള്ള മാര്‍ഗ്ഗങ്ങളുമില്ല. വളരെ സമയം എടുത്ത് ഡീ-കമ്മീഷന്‍ ചെയ്യുക, അതുവരെ ജലനിരപ്പ് പരമാവധി താഴ്‌ത്തി വെക്കുക എന്നത് മാത്രമാണ് സുരക്ഷിതമായ നടപടി. റിൿടര്‍ സ്കെയിലില്‍ 6 കാണിക്കുന്ന ഒരു ഭൂകമ്പത്തെ താങ്ങാന്‍ മുല്ലപ്പെരിയാര്‍ അണക്കെട്ടിന് ആയെന്ന് വരില്ല.

ഡാം തകര്‍ന്നാല്‍.....

1. കേരളത്തിലെ അഞ്ച് ജില്ലകള്‍ ഭാഗികമായോ പൂര്‍ണ്ണമായോ വെള്ളത്തിനടിയിലാകും.

2. കേരളം തന്നെ രണ്ടായി വിഭജിക്കപ്പെട്ടെന്ന് വരാം.3. മുല്ലപ്പെരിയാര്‍ ഡാം പൊട്ടി അതിലെ വെള്ളം മുഴുവന്‍ താങ്ങാനാകാതെ ഇടുക്കി ഡാം കൂടെ പൊട്ടിയാല്‍ കേരളം ഇരുട്ടിലാകും.
4. അഞ്ച് ജില്ലകളിലായി 35 ലക്ഷത്തോളം വരുന്ന ജനങ്ങളുടെ ജീവനും സ്വത്തിനും ഭീഷണി.
5. ഡാം തകര്‍ന്നാല്‍ അതിന്റെ വിപത്തുകളില്‍ നിന്ന് കര കയറാന്‍ 15 വര്‍ഷമെങ്കിലും കേരള സംസ്ഥാനം എടുക്കും.
6. ഡാം തകര്‍ന്നാല്‍ അതിലെ ജലം ഉപയോഗിച്ച് കൃഷി ചെയ്യുന്ന തമിഴ്‌നാട്ടിലെ 5 ജില്ലകളിളും പട്ടിണിയിലേക്ക് നീങ്ങും.
7. ഇതിനൊക്കെ പുറമേ, ഉണ്ടാകാന്‍ പോകുന്ന മഹാമാരികള്‍, രോഗങ്ങള്‍, പട്ടിണി, തൊഴിലില്ലായ്‌മ എന്നീ കാര്യങ്ങളുടെ ഭീകരതയെക്കുറിച്ച് കൃത്യമായി ഒരു ചിത്രം ആര്‍ക്കും സങ്കല്‍‌പ്പിക്കാന്‍ പോലുംആവില്ല.

കടപ്പാട് : നിരക്ഷരന്‍
വിശദമായ വായനയ്ക്ക് സന്ദര്‍ശിക്കൂ.....
http://niraksharan.blogspot.com/

Linux / Ubuntu Malayalam Alphabet for Students

2011-09-11T15:58:00.000+05:30

സംസ്ഥാനത്തെ പൊതുവിദ്യാലയങ്ങളിലെ വിദ്യാര്‍ത്ഥികള്‍ക്ക് മാതൃഭാഷയില്‍ കമ്പ്യൂട്ടറില്‍ വിവരങ്ങള്‍ ടൈപ്പ് ചെയ്ത് പരിശീലിക്കേണ്ടതുണ്ട്. ഇതിനായി ഐ.ടി.@ സ്കൂള്‍ Ubuntu 10.04 ഓപ്പറേറ്റിങ്ങ് സിസ്റ്റത്തില്‍ ആദ്യം കീബോര്‍ഡ് മാതൃഭാഷയില്‍ ക്രമീകരിക്കേണ്ടതുണ്ട്. ഇതിനായി പാനലിലെ System---> Preference ---> Keyboard എന്ന ക്രമത്തില്‍ ക്ലിക്ക് ചെയ്യുക. അപ്പോള്‍ Keyboard Preferences ജാലകം ദൃശ്യമാകും.

ഇതില്‍ മുകളില്‍ കാണുന്ന "Layout" ഓപ്ഷന്‍ മൌസ് പോയിന്റര്‍ ഉപയോഗിച്ച് സെലക്ട് ചെയ്യുക. അപ്പോള്‍ താഴെ കാണുന്ന ജാലകം ദൃശ്യമാകും.

ഈ ജാലകത്തിലെ Add ബട്ടണ്‍ ക്ലിക്ക് ചെയ്യുക. അപ്പോള്‍ Choose a Layout എന്ന മറ്റൊരു ജാലകം ദൃശ്യമാകും.

ഇതില്‍ വിവിധ രാജ്യങ്ങളിലെ വിവിധ ഭാഷകളുടെ കീബോര്‍ഡ് ലേ ഔട്ടുകള്‍ ഉള്‍ക്കൊള്ളിച്ചിട്ടുണ്ട്. ഇതില്‍ By country എന്നത് ക്ലിക്ക് ചെയ്ത് രാജ്യങ്ങളുടെ പട്ടികയില്‍ നിന്നും India എന്ന് സെലക്ട് ചെയ്ത് Add ബട്ടണ്‍ അമര്‍ത്തുക.

തുടര്‍ന്ന് By language എന്നത് ക്ലിക്ക് ചെയ്ത് ഭാഷകളുടെ ലിസ്റ്റില്‍ നിന്നും Malayalam സെലക്ട് ചെയ്ത് Add ബട്ടണ്‍ അമര്‍ത്തുക. ഇതോടെ നിങ്ങളുടെ കമ്പ്യൂട്ടര്‍ കീബോര്‍ഡിലേക്ക് മലയാളം കൂടി ചേര്‍ക്കപ്പെടും. ഇപ്പോള്‍ Keyboard Preferences ജാലകത്തില്‍ USA (English), India Malayalam എന്നിവ ദൃശ്യമാകും. തുടര്‍ന്ന് Keyboard Preferences ജാലകം ക്ലോസ് ചെയ്യുക.

ഇപ്പോള്‍ പാനലില്‍ കീബോര്‍ഡ് ഐക്കന്‍ ദൃശ്യമാകും.കീബോര്‍ഡ് ഐക്കണില്‍ മൌസ് പോയിന്റര്‍ എത്തിച്ച് ക്ലിക്ക് ചെയ്തു നോക്കൂ.അപ്പോള്‍ USA എന്നത് Ind എന്നായി മാറുന്നത് കാണാം. ഇപ്പോള്‍ വേഡ് പ്രോസസര്‍ തുറന്ന് നിങ്ങള്‍ കീ ബോര്‍ഡ് ഉപയോഗിച്ച് ടൈപ്പ് ചെയ്താല്‍ മലയാളം അക്ഷരങ്ങള്‍ സ്ക്രീനില്‍ ദൃശ്യമാകും.കീബോര്‍ഡ് തിരികെ ഇംഗ്ലീഷ് ഭാഷയിലേക്ക് മാറ്റണമെങ്കില്‍ വീണ്ടും മൌസ് പോയിന്റര്‍ കീബോര്‍ഡ് ഐക്കണില്‍ എത്തിച്ച് ക്ലിക്ക് ചെയ്താല്‍ മതിയാകും.

ഇംഗ്ലീഷ് കീബോര്‍ഡ് സൂചകം (മുകളില്‍) , മലയാളം കീബോര്‍ഡ് സൂചകം (താഴെ)

ഇനി ഓരോ കീയും ഏതേതു അക്ഷരങ്ങളെ സൂചിപ്പിക്കുന്നു എന്ന് മനസ്സിലാക്കേണ്ടേ..? അതിനായി കീ ബോര്‍ഡ് മലയാളത്തിലേക്ക് മാറ്റിയ ശേഷം കീ ബോര്‍ഡിലെ ഓരോ കീയും (Key, Shift+Key) അമര്‍ത്തുമ്പോള്‍ മോണിറ്ററില്‍ തെളിയുന്ന അക്ഷരം / ചിഹ്നം ഏതെന്നു കണ്ടെത്തൂ....ലിസ്റ്റ് ചെയ്യൂ...

സ്വരചിഹ്നങ്ങള്‍ ചേര്‍ക്കാന്‍ :- അക്ഷരങ്ങളോട് ചേര്‍ത്ത് അതിന്റെ സ്വരചിഹ്നം ടൈപ്പ് ചെയ്യാന്‍ , അക്ഷരം ടൈപ്പ് ചെയ്ത ശേഷം അതിന്റെ സ്വരാക്ഷരം സൂചിപ്പിക്കുന്ന കീ അമര്‍ത്തിയാല്‍ മതി. ഉദാ: കി എന്ന് ടൈപ്പ് ചെയുന്നതിന് ക+ ി എന്നീ രണ്ടു കീകള്‍ ഉപയോഗിക്കണം (k+f).

കൂട്ടക്ഷരങ്ങള്‍ ടൈപ്പ് ചെയ്യാന്‍ :- കൂട്ടക്ഷരങ്ങള്‍ ടൈപ്പ് ചെയ്യുന്നതിന് ക+്+ക എന്നീ മൂന്നു കീകള്‍ ഉപയോഗിക്കണം(k+d+k). അക്ഷരങ്ങളെ കൂട്ടിയോജിപ്പിക്കുന്ന ലിങ്ക് കീയായി “d" ആണ് ഉപയോഗിക്കുന്നത്.

ചില്ലുകള്‍ ടൈപ്പ് ചെയ്യാന്‍ :- ചില്ലുകള്‍ ടൈപ്പു ചെയ്യുന്നതിനും മൂന്നു കീകള്‍ ഉപയോഗിക്കണം.ഉദാ: “ല്‍“എന്നു ടൈപ്പ് ചെയ്യുന്നതിന് ല+്+] എന്നീ മൂന്നു കീകള്‍ ഉപയോഗിക്കണം(n+d+] ).ആദ്യം ചില്ലക്ഷരത്തിന്റെ അടിസ്ഥാന സ്വരാക്ഷരം, പിന്നീട് ലിങ്ക് കീ, തുടര്‍ന്ന് ] എന്ന കീ. ഈ ക്രമത്തില്‍ വേണം ചില്ലുകള്‍ ടൈപ്പ് ചെയ്യാന്‍ .ള്‍ , ര്‍ , ണ്‍ എന്നീ ചില്ലുകള്‍ ടൈപ്പ് ചെയ്ത് നോക്കൂ.

കൂട്ടുകാര്‍ക്ക് മലയാളം കീബോര്‍ഡ് ഉപയോഗിച്ച് മലയാളം അക്ഷരമാല ടൈപ്പ് ചെയ്യാന്‍ സഹായകമായ തരത്തില്‍ തയ്യാറാക്കിയ ലിനക്സ് മലയാളം അക്ഷരമാല കാണണോ.... ഡൌണ്‍ലോഡ് ചെയ്യണോ.......

CLICK HERE

Note : മാതൃഭാഷയില്‍ കമ്പ്യൂട്ടറില്‍ വിവരങ്ങള്‍ ടൈപ്പ് ചെയ്യാന്‍ കഴിയുക എന്നത് കുട്ടികളുടെ ഐ.ടി. സഹായക പഠന പ്രവര്‍ത്തനങ്ങളെ ഏറെ സഹായിക്കുന്ന ഒന്നാണ്. Keyman തുടങ്ങിയ മറ്റ് Software-കള്‍ ഉപയോഗിച്ച് വളരെ എളുപ്പത്തില്‍ മലയാളത്തില്‍ ടൈപ്പ് ചെയ്യുന്ന മുതിര്‍ന്നവര്‍ ശ്രദ്ധിക്കുക. ഇത് കുട്ടികള്‍ക്ക് ഐ.ടി.പഠനത്തിന് ഉണര്‍വേകാനുള്ള ഒരു പ്രവര്‍ത്തനം മാത്രമാണ്.

കേരള നിയമസഭയിലെ വനിതകള്‍

2011-07-09T21:09:00.001+05:30

ആംഗ്ലോ ഇന്ത്യന്‍ പ്രതിനിധി ഉള്‍പ്പെടെ പതിമൂന്നാം കേരള നിയമസഭയില്‍ ഇപ്പോള്‍ 141 അംഗങ്ങളുണ്ട്. പക്ഷേ ഇവരില്‍ വനിതകള്‍ 7 പേര്‍ മാത്രം. വനിതാ പ്രതിനിധികള്‍ ആരെല്ലാമാണ് ? ഇവരുടെ മണ്ഡലങ്ങള്‍ ഏതെല്ലാമാണ് ? ഈ മണ്ഡലങ്ങള്‍ ഏതെല്ലാം ജില്ലകളിലാണ് ? ഇവര്‍ ഏതെല്ലാം പാര്‍ട്ടികളില്‍ പെട്ടവരാണ്? ഇതെല്ലാം അറിയണോ..? താഴെ കാണുന്ന വീഡിയോ കണ്ടു നോക്കൂ...

കേരളനിയമസഭയിലേക്ക് തൃശൂരില്‍ തെരഞ്ഞെടുക്കപ്പെട്ടവര്‍

2011-07-06T20:15:00.006+05:30

തട്ടിപ്പുകള്‍ക്കെതിരെ വിദ്യാര്‍ത്ഥികളുടെ പ്രദര്‍ശനം

2011-06-30T20:30:00.002+05:30

മംഗളം വാര്‍ത്ത
(2011 ജൂണ്‍ 29- ന് പ്രസിദ്ധീകരിച്ചത്)

വലുതായി കാണാന്‍ ചിത്രത്തില്‍ ക്ലിക്ക്‌ ചെയ്യുക

മാധ്യമം വാര്‍ത്ത
(2011 ജൂണ്‍ 29- ന് പ്രസിദ്ധീകരിച്ചത്)

(2011 ജൂണ്‍ 29- ന് പ്രസിദ്ധീകരിച്ചത്)

അനുമോദനവും, 100% വിജയാഘോഷവും ജൂണ്‍ 15-ന്

2011-06-13T21:11:00.002+05:30

ഇക്കഴിഞ്ഞ എസ് എസ് എല്‍ സി പരീക്ഷയില്‍ എല്ലാ വിഷയങ്ങളിലും എ+ നേടിയ ഏഴ് വിദ്യാര്‍ത്ഥികള്‍ക്കുള്ള അനുമോദനവും, ഉന്നത വിജയാഘോഷവും 2011 ജൂണ്‍ 15 ബുധനാഴ്ച രാവിലെ 9.30 ന് സ്കൂള്‍ അങ്കണത്തില്‍ വെച്ച് ബഹു: മണലൂര്‍ എം എല്‍ എ ശ്രീ.പി.എ മാധവന്‍ ഉദ്ഘാടനം ചെയ്യും. വാടാനപ്പള്ളി ഗ്രാമപഞ്ചായത്ത് പ്രസിഡണ്ട് ശ്രീമതി സുബൈദ മുഹമ്മദ് അധ്യക്ഷയായിരിക്കും. പ്രശസ്ത നടനും, ദേശീയ - സംസ്ഥാന ഫിലിം അവാര്‍ഡ് ജേതാവുമായ ശ്രീ.സലിം കുമാര്‍ വിശിഷ്ടാതിഥിയായിരിക്കും.

SSLC പരീക്ഷയില്‍ എല്ലാ വിഷയങ്ങള്‍ക്കും A+ നേടിയവര്‍ ..!!

2011-05-04T21:08:00.011+05:30

ഇക്കഴിഞ്ഞ എസ്‌.എസ്‌.എല്‍.സി (March-2011) പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് ഗ്രേഡ് നേടി സ്കൂളിന്‍റെ അഭിമാനമായവര്‍ .....

വിജയികള്‍ക്ക് അഭിനന്ദനങ്ങള്‍...!!!

കമലാ നെഹ്രുവിന് ഓവറോള്‍ ചാമ്പ്യന്‍ഷിപ്പ്

2010-12-24T14:59:00.008+05:30

വലപ്പാട് സബ് ജില്ലാ കായികമേളയില്‍ അണ്ടര്‍ - 17 വിഭാഗം ഓവറോള്‍ ചാമ്പ്യന്‍ഷിപ്പും, ടോട്ടല്‍ ഓവറോള്‍ രണ്ടാം സ്ഥാനവും നേടിയ കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂള്‍ ടീം, മാനേജര്‍ ശ്രീ.കെ.വി.സദാനന്ദന്‍ , പ്രിന്‍സിപ്പാള്‍ ഡോളി കുര്യന്‍ , കായിക അധ്യാപന്‍ രവിമാസ്റ്റര്‍ എന്നിവരോടൊപ്പം

വലപ്പാട് സബ് ജില്ലാ കായികമേളയില്‍ വോളിബോള്‍‌ , ഫുട്ബോള്‍‌ , ക്രിക്കറ്റ്, ഷട്ടില്‍ , ഖോ-ഖോ, കബഡി എന്നീ ഇനങ്ങളില്‍ സമ്മാനാര്‍ഹരായ കുട്ടികളെ സ്കൂള്‍ അസംബ്ലിയില്‍ വെച്ച് പ്രിന്‍സിപ്പാള്‍ ഡോളി കുര്യന്‍ ട്രോഫികള്‍ നല്‍കി അനുമോദിച്ചു. ചിത്രങ്ങള്‍ താഴെ....

“ഗ്രീന്‍ ഡേ” ആഘോഷിച്ചു

2010-12-23T22:23:00.006+05:30

കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂള്‍ ‘സീഡ് ഗ്രീന്‍ ഡേ’ ആഘോഷിച്ചു. തൃശൂര്‍ ജില്ലാ പഞ്ചായത്ത് മെമ്പര്‍ ശ്രീ.സി.എം.നൌഷാദിന്റെ അധ്യക്ഷതയില്‍ ചേര്‍ന്ന യോഗം, വാടാനപ്പള്ളി ഗ്രാമപഞ്ചായത്ത് പ്രസിഡണ്ട് സുബൈദ മുഹമ്മദ് പൈനാപ്പിള്‍ തൈ നട്ടുകൊണ്ട് ഉദ്ഘാടനം ചെയ്തു. പൈനാപ്പിള്‍ കൃഷിക്ക് പ്രാമുഖ്യം നല്‍കിക്കൊണ്ടുള്ള മുന്നേറ്റമാണ് ലക്ഷ്യം. വാര്‍ഡ് മെമ്പര്‍ ഗില്‍‌സ തിലകന്‍ , വാടാനപ്പള്ളി പഞ്ചായത്ത് കൃഷി ഓഫീസര്‍ ശ്രീ.മുര്‍ഷിദ്, പി.ടി.എ.പ്രസിഡണ്ട് ശ്രീമതി.വസന്ത ചന്ദ്രന്‍ , പ്രിന്‍സിപ്പാള്‍ ശ്രീമതി ഡോളി കുര്യന്‍ , വി.എച്ച്.എസ്. അക്കാദമിക് ഹെഡ് ശ്രീമതി കെ.വി.രോഷിനി എന്നിവര്‍ സംസാരിച്ചു.

കമലാ നെഹ്രുവിന് കിരീടം

2010-12-22T20:06:00.006+05:30

ഏങ്ങണ്ടിയൂരില്‍ വെച്ച് നടന്ന വലപ്പാട് ഉപജില്ലാ കേരള സ്കൂള്‍ കലോത്സവം - ഹൈസ്കൂള്‍ വിഭാഗം അറബിക് സാഹിത്യോത്സവത്തില്‍ ഈ വര്‍ഷവും തൃത്തല്ലൂര്‍ കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂള്‍ ഓവറോള്‍ ചാമ്പ്യന്മാരായി. പങ്കെടുത്ത 19 ഇനങ്ങളിലും എ ഗ്രേഡോടെ, 95 പോയിന്റ് നേടിയാണ് ഈ നേട്ടം കരസ്ഥമാക്കിയത്. 9 ഇനങ്ങളില്‍ എ ഗ്രേഡോടെ ഒന്നാം സ്ഥാനം നേടി ജില്ലാ കലോത്സവത്തിലേക്ക് യോഗ്യത നേടി. സാദിയ.പി.എ, ദുല്‍‌ഫത്ത്.പി.എ, ലദീദ.വി.എച്ച്, റുക്സാന.പി.എ, മുഹമ്മദ് നിയാസ്.ടി, അഫ്സല്‍.പി.എ, ഹാഷിദ.വി.ബി എന്നിവരാണ് ജില്ലാ കലോത്സവത്തില്‍ പങ്കെടുക്കാന്‍ യോഗ്യത നേടിയത്.പങ്കെടുത്ത മിക്ക ഇനങ്ങളിലും എ ഗ്രേഡുകള്‍ നേടി യു.പി വിഭാഗം വിദ്യാര്‍ത്ഥികളും മികച്ച നിലവാരം പുലര്‍ത്തി.

അറബിക് അധ്യാപകരായ സഗീര്‍ മാസ്റ്റര്‍‌, മജീദ് മാസ്റ്റര്‍ എന്നിവര്‍ , സ്കൂള്‍ മാനേജര്‍ കെ.വി.സദാനന്ദന്‍‌ , പ്രിന്‍സിപ്പാള്‍ ഡോളി കുര്യന്‍ എന്നിവരോടൊപ്പം

വലപ്പാട് ഉപ ജില്ലാ കേരള സ്കൂള്‍ കലോത്സവം - ഹൈസ്കൂള്‍ വിഭാഗം അറബിക് സാഹിത്യോത്സവത്തില്‍ ഓവറോള്‍‌ ചാമ്പ്യന്മാരായ തൃത്തല്ലൂര്‍‌ കമലാ നെഹ്രു മെമ്മോറിയല്‍‌ വൊക്കേഷണല്‍ ഹയര്‍ സെക്കണ്ടറി സ്കൂള്‍ ടീം അറബിക് അധ്യാപകര്‍‌, സ്കൂള്‍ മാനേജര്‍‌, പ്രിന്‍സിപ്പാള്‍ എന്നിവരോടൊപ്പം‌

രവിമാസ്റ്റര്‍ക്ക് TSGA-യുടെ അനുമോദനം

2010-12-14T21:48:00.004+05:30

റവന്യൂ മന്ത്രി ശ്രീ.കെ.പി.രാജേന്ദ്രന്‍ പി.സി.രവിമാസ്റ്റര്‍ക്ക് ഉപഹാരം നല്‍കുന്നു

ദേശീയ സ്കൂള്‍ വോളിബോള്‍ ചാമ്പ്യന്‍ഷിപ്പില്‍ (അണ്ടര്‍-19 വിഭാഗം) രണ്ടാം സ്ഥാനം നേടിയ പെണ്‍കുട്ടികളുടെ ടീമിന്റെ പരിശീലകനായ വാടാനപ്പള്ളി കമലാനെഹ്രു മെമ്മോറിയല്‍ വി.ച്ച്.എസ്.സ്കൂളിലെ കായികാധ്യാപകന്‍ ശ്രീ.പി.സി.രവിമാസ്റ്റര്‍ക്ക് തൃപ്രയാര്‍ സ്പോര്‍ട്സ് & ഗെയിംസ് അസോസിയേഷന്‍ (TSGA) നല്‍കിയ സ്വീകരണത്തില്‍ ബഹു: റവന്യൂ മന്ത്രി ശ്രീ.കെ.പി.രാജേന്ദ്രന്‍ ഉപഹാരം നല്‍കുന്നു.

കമലാ നെഹ്രു ചാമ്പ്യന്മാര്‍

2010-12-01T19:37:00.007+05:30

വലപ്പാട് ഉപജില്ലാ സാമൂഹ്യശാസ്ത്രമേളയില്‍ ഹയര്‍ സെക്കണ്ടറി വിഭാഗത്തില്‍ തൃത്തല്ലൂര്‍ കമലാ നെഹ്രു സ്കൂള്‍ ചാമ്പ്യന്മാരായി. വര്‍ക്കിങ്ങ് മോഡല്‍, സ്റ്റില്‍ മോഡല്‍, പ്രാദേശിക ചരിത്രരചന, ഭൂപട നിര്‍മ്മാണം എന്നിവയിലെ മികച്ച പ്രകടനമാണ് ഈ നേട്ടത്തിന് പിന്നില്‍. സ്റ്റില്‍ മോഡലില്‍ ശ്രുതി.കെ.എസ്, നിവേദ്യ.എം.എം എന്നിവരും, ഭൂപട നിര്‍മ്മാണത്തില്‍ നിലേഷ് രാജും A ഗ്രേഡോടെ ഒന്നാം സ്ഥാനം നേടി. വര്‍ക്കിങ്ങ് മോഡലില്‍ പ്രശാല്‍.വി.ഡി, ഫര്‍സാന സലിം എന്നിവരും, പ്രാദേശിക ചരിത്ര രചനയില്‍ ധനുശ്രീ.പി.സിയും A ഗ്രേഡോടെ രണ്ടാം സ്ഥാനം നേടി. സമ്മാനാര്‍ഹരായ വിദ്യാത്ഥികളെ സ്കൂള്‍ അങ്കണത്തില്‍ ചേര്‍ന്ന അസംബ്ലിയില്‍ അനുമോദിച്ചു.

വലപ്പാട് ഉപജില്ലാ സാമൂഹ്യശാസ്ത്രമേളയില്‍ ഹയര്‍ സെക്കണ്ടറി വിഭാഗം ചാമ്പ്യന്മാരായ തൃത്തല്ലൂര്‍ കമലാ നെഹ്രു മെമ്മോറിയല്‍ വി.എച്ച്.എസ്.സ്കൂള്‍ വിദ്യാര്‍ത്ഥികള്‍ പ്രിന്‍‌സിപ്പാള്‍ ഡോളി കുര്യനോടൊപ്പം.

വിജയികള്‍ അധ്യാപരോടും പ്രിന്‍‌സിപ്പാളിനോടുമൊപ്പം.

വലപ്പാട് ഉപജില്ലാ സാമൂഹ്യശാസ്ത്രമേളയില്‍ ജേതാക്കളായ തൃത്തല്ലൂര്‍ കമലാ നെഹ്രു സ്കൂള്‍ ടീം ട്രോഫിയുമായി പ്രിന്‍‌സിപ്പാള്‍ ഡോളി കുര്യനോടൊപ്പം.

ദേശീയ വോളി : കേരളത്തിന് മികവ്

2010-11-03T18:12:00.007+05:30

മലയാള മനോരമ വാര്‍ത്ത ( 2010 നവംബര്‍-3 ന് പ്രസിദ്ധീകരിച്ചത് )
വലുതായി കാണാന്‍ ചിത്രത്തില്‍ ക്ലിക്ക് ചെയ്യുക

ഈസി ഇംഗ്ലീഷ് പ്രോഗ്രാം..!!

2010-08-21T07:36:00.006+05:30

കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂളിലെ കരിയര്‍ ഗൈഡന്‍സ് & കൌണ്‍സിലിംഗ് യൂണിറ്റിന്റെ നേതൃത്വത്തില്‍ നടന്നു വരുന്ന “ ഈസി ഇംഗ്ലീഷ് പ്രോഗ്രാമിന്റെ” ഭാഗമായുള്ള ഇംഗ്ലീഷ് പത്രങ്ങളുടെ വിതരണോദ്ഘാടനം, സ്കൂള്‍ ലീഡര്‍ വിഷ്ണു പ്രിയയ്ക്ക് ഇന്ത്യന്‍ എക്സ്പ്രസ്സ് പത്രം നല്‍കി കൊണ്ട്, ബഹു: നാട്ടിക എം.എല്‍.എ. ശ്രീ.ടി.എന്‍ .പ്രതാപന്‍ നിവ്വഹിച്ചു. വാടാനപ്പള്ളി ഗ്രാമപഞ്ചായത്ത് പ്രസിഡണ്ട് ശ്രീ.രവീന്ദ്രന്‍ മാസ്റ്റര്‍ സന്നിഹിതനായിരുന്നു. സ്കൂള്‍ കരിയര്‍ ഗൈഡന്‍സ് & കൌണ്‍സിലിംഗ് യൂണിറ്റ് ഇന്‍ ചാര്‍ജ് ശ്രീ. എന്‍. കെ. സുരേഷ് കുമാര്‍ നേതൃത്വം നല്‍കി. വിവിധ രംഗങ്ങളിലൂടെ.....

കമലാ നെഹ്രു സ്കൂളിന് ഓണസമ്മാനമായി 5 ലക്ഷം..!!

2010-08-20T23:14:00.004+05:30

കായിക രംഗത്ത് മികച്ച നിലവാരം പുലര്‍ത്തുന്ന സ്കൂളുകള്‍ക്ക് സംസ്ഥാന സ്പോര്‍ട്സ് കൌണ്‍സില്‍ നല്‍കുന്ന സാമ്പത്തിക സഹായമായ 5 ലക്ഷം രൂപ തൃത്തല്ലൂര്‍ കമലാ നെഹ്രു മെമ്മോറിയല്‍ ഹയര്‍ സെക്കണ്ടറി സ്കൂളിന് ലഭിച്ചു. സ്കൂള്‍ അങ്കണത്തില്‍ വെച്ച് നടന്ന ചടങ്ങില്‍ നാട്ടിക എം.എല്‍.എ. ശ്രീ.ടി.എന്‍ .പ്രതാപന്‍ 5 ലക്ഷം രൂപയുടെ ചെക്ക് സ്കൂള്‍ പ്രിന്‍സിപ്പാള്‍ ഡോളി കുരിയന് ഔപചാരികമായി കൈമാറി. നമ്മുക്ക് ഗവണ്മെന്റ് തന്ന ഓണസമ്മാനമാണിതെന്നും, കായികാധ്യാപകന്‍ പി.സി.രവിമാസ്റ്ററുടെ പ്രവര്‍ത്തനങ്ങള്‍ പ്രശംസനീയമാണെന്നും ടി.എന്‍ . പ്രതാപന്‍ പറഞ്ഞു. വാടാനപ്പള്ളി ഗ്രാമപഞ്ചായത്ത് പ്രസിഡണ്ട് പി.വി.രവീന്ദ്രന്‍ മാസ്റ്റര്‍ അധ്യക്ഷനായിരുന്നു. പ്രിന്‍സിപ്പാള്‍ ഡോളി കുരിയന്‍ സ്വാഗതവും, പി.ടി.എ. പ്രസിഡണ്ട് വസന്താ ചന്ദ്രന്‍ നന്ദിയും പറഞ്ഞു. വാര്‍ഡ് മെമ്പര്‍ എം.കെ.ഹനീഫ, പി.ടി.എ.എക്സിക്യൂട്ടീവ് മെമ്പര്‍ സി.എം.നൌഷാദ്, പി.ടി.എ. വൈസ് പ്രസിഡണ്ട് സോമന്‍ , മാതൃസംഗമം പ്രസിഡണ്ട് സുജിത, കായികാധ്യാപകന്‍ പി.സി.രവി എന്നിവര്‍ സംബന്ധിച്ചു.

സ്കൂള്‍ പ്രിസിപ്പാള്‍ ഡോളീ കുരിയന്‍ സ്വാഗതം പറയുന്നു

ടി.എന്‍ . പ്രതാപന്‍ എം.എല്‍ .എ അഞ്ചു ലക്ഷം രൂപയുടെ ചെക്ക് ഔപചാരികമായി കൈമാറിയപ്പോള്‍

ചെക്ക് ഏറ്റുവാങ്ങിയ ശേഷം കുട്ടികളോടൊപ്പം.....

സ്കൂള്‍ അങ്കണം : ഒരു ദൃശ്യം

ഗാന്ധി ക്വിസ്

2010-08-14T08:37:00.004+05:30

" ഗാന്ധി ക്വിസ് - മലയാളം" ഡൌണ്‍ ലോഡ് ചെയ്യൂ.....

അതിനായി...

CLICK HERE

ലഹരിവിരുദ്ധ ബോധവല്‍ക്കരണ ക്ലാസ്സും , മാജിക് ഷോയും

2010-08-13T16:16:00.013+05:30

എല്ലാ ലഹരി പദാര്‍ത്ഥങ്ങളും കുറ്റകൃത്യങ്ങളുടേയും തിന്മകളുടേയും മാതാവാണെന്ന തിരിച്ചറിവ് സമൂഹത്തിന് പകര്‍ന്നു നല്‍കുന്നതിനും , നാടിന്റെ ഭാവി പ്രതീക്ഷകളാകേണ്ട പുതുതലമുറയില്‍ ലഹരിവിരുദ്ധ മനോഭാവം വളര്‍ത്തിയെടുക്കുന്നതിനും വേണ്ടി കേരള സംസ്ഥാന എക്സൈസ് ഡിപ്പാര്‍ട്ട്മെന്റിന്റെ ആഭിമുഖ്യത്തില്‍ തൃത്തല്ലൂര്‍ കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂളില്‍ ലഹരി വിരുദ്ധ ബോധവല്‍ക്കരണ ക്ലാസ്സും , ആരോഗ്യ ബോധവല്‍ക്കരണ മാജിക് ഷോയും നടന്നു. നാട്ടിക എം.എല്‍.എ ശ്രീ.ടി.എന്‍ .പ്രതാപന്‍ പരിപാടി ഉദ്ഘാടനം ചെയ്തു. വാടാനപ്പള്ളി ഗ്രാമപഞ്ചായത്ത് പ്രസിഡണ്ട് ശ്രീ.പി.വി.രവീന്ദ്രന്‍ മാസ്റ്റര്‍ അധ്യക്ഷനായിരുന്നു. സ്കൂള്‍ മാനേജര്‍ ശ്രീ.കെ.വി.സദാനന്ദന്‍, ശ്രീ സി.എം.നൌഷാദ്, ശ്രീ.വി.കെ.അശോകന്‍ (എക്സൈസ് ഇന്‍സ്പെക്ടര്‍, വാടാനപ്പള്ളി റെയ്ഞ്ച് ) എന്നിവര്‍ സംസാരിച്ചു.

“ലഹരിയും യുവത്വവും” എന്ന വിഷയത്തെ അധികരിച്ച് കെ.എ.അബ്ദുള്‍ ഹസീബ് മാസ്റ്റര്‍ ക്ലാസ്സെടുത്തു. തുടര്‍ന്ന് ഡോ.രവീന്ദ്രന്‍ ആചാര്യയുടെ നേതൃത്വത്തില്‍ (Director & Chief Trainer, Institute of Magic & Hypnotic Science-Vadakkanchery) ആരോഗ്യ ബോധവല്‍ക്കരണ മാജിക് ഷോ നടന്നു. വാടാനപ്പള്ളി എക്സൈസ് സര്‍ക്കിള്‍ ഇന്‍സ്പെക്ടര്‍ ശ്രീ.പി.കെ.സുരേഷ് സ്വാഗതവും, സ്കൂള്‍ പ്രിസിപ്പാള്‍ ഡോളി കുര്യന്‍ നന്ദിയും പറഞ്ഞു.

വാടാനപ്പള്ളി ഗ്രാമപഞ്ചായത്ത് പ്രസിഡണ്ട് ശ്രീ.പി.വി.രവീന്ദ്രന്‍ മാസ്റ്റര്‍ അധ്യക്ഷ പ്രസംഗം നടത്തുന്നു

ബഹു: നാട്ടിക എം.എല്‍.എ ശ്രീ.ടി.എന്‍.പ്രതാപന്‍ ഉദ്ഘാടന പ്രസംഗം നടത്തുന്നു

സ്കൂള്‍ മാനേജര്‍ ശ്രീ.കെ.വി.സദാനന്ദന്‍ ആശംസാപ്രസംഗം നടത്തുന്നു

ആരോഗ്യബോധവല്‍ക്കരണ മാജിക് ഷോയില്‍ നിന്ന് ഒരു ദൃശ്യം

സമ്മാനങ്ങള്‍ വിതരണം ചെയ്തു

2010-08-12T20:24:00.007+05:30

ലോകകപ്പ് ഫുട്ബോള്‍ 2010 - നോടനുബന്ധിച്ച് സ്കൂള്‍ തലത്തില്‍ നടന്ന വിവിധ മത്സരങ്ങളില്‍ വിജയിച്ചവര്‍ക്കുള്ള സമ്മാനങ്ങള്‍ സ്കൂള്‍ അങ്കണത്തില്‍ വെച്ച് വിതരണം ചെയ്തു. വാടാനപ്പള്ളി പോലീസ് സബ് ഇന്‍സ്പെക്ടര്‍ ശ്രീ.സുരേന്ദ്രന്‍ സമ്മാനദാനം നിര്‍വ്വഹിച്ചു. പി.ടി.എ പ്രസിഡണ്ട് വസന്തചന്ദ്രന്‍ അധ്യക്ഷത വഹിച്ചു. സ്കൂള്‍ പ്രിന്‍സിപ്പാള്‍ ശ്രീമതി ഡോളി കുര്യന്‍ സ്വാഗതം പറഞ്ഞു.

ലോകകപ്പ് ക്വിസ് മത്സരത്തില്‍ (യു.പി. തലം) ഒന്നാം സ്ഥാനം നേടിയ അതിന്‍ .ടി.യു , വാടാനപ്പള്ളി പോലീസ് സബ് ഇന്‍സ്പെക്ടര്‍ ശ്രീ.സുരേന്ദ്രനില്‍ നിന്നും സമ്മാനം ഏറ്റുവാങ്ങുന്നു

ലോകകപ്പ് ക്വിസ് മത്സരത്തില്‍ (യു.പി.തലം) രണ്ടാം സ്ഥാനം നേടിയ വൈശാഖ്.പി.എസ്, വാടാനപ്പള്ളി പോലീസ് സബ് ഇന്‍സ്പെക്ടര്‍ ശ്രീ.സുരേന്ദ്രനില്‍ നിന്നും സമ്മാനം ഏറ്റുവാങ്ങുന്നു

ലോകകപ്പ് ക്വിസ് മത്സരത്തില്‍ (ഹൈസ്കൂള്‍ തലം) ഒന്നാം സ്ഥാനം നേടിയ മുഹമ്മദ് ഷിഫാസ്.പി.എം, വാടാനപ്പള്ളി പോലീസ് സബ് ഇന്‍സ്പെക്ടര്‍ ശ്രീ.സുരേന്ദ്രനില്‍ നിന്നും സമ്മാനം ഏറ്റുവാങ്ങുന്നു

ലോകകപ്പ് ക്വിസ് മത്സരത്തില്‍ (ഹൈസ്കൂള്‍ തലം) രണ്ടാം സ്ഥാനം നേടിയ ഹിജാസ്.സി.ജെ, വാടാനപ്പള്ളി പോലീസ് സബ് ഇന്‍സ്പെക്ടര്‍ ശ്രീ.സുരേന്ദ്രനില്‍ നിന്നും സമ്മാനം ഏറ്റുവാങ്ങുന്നു

ലോകകപ്പ് ആല്‍ബം നിര്‍മ്മാണത്തില്‍ ഹൈസ്കൂള്‍ തലത്തില്‍ ഒന്നാം സ്ഥാനം നേടിയ റിതു.കെ.വി, അനന്തു.കെ.വി എന്നിവര്‍ക്ക് വാടാനപ്പള്ളി പോലീസ് സബ് ഇന്‍സ്പെക്ടര്‍ ശ്രീ.സുരേന്ദ്രന്‍ സമ്മാനം നല്‍കുന്നു.

ലോകകപ്പ് ആല്‍ബം നിര്‍മ്മാണത്തില്‍ ഹൈസ്കൂള്‍ തലത്തില്‍ രണ്ടാം സ്ഥാനം നേടിയ മുഹമ്മദ് ഷാഫി, റിന്‍ഷാദ് എന്നിവര്‍ വാടാനപ്പള്ളി പോലീസ് സബ് ഇന്‍സ്പെക്ടര്‍ ശ്രീ.സുരേന്ദ്രനില്‍ നിന്നും സമ്മാനം ഏറ്റുവാങ്ങിയപ്പോള്‍

മാധ്യമ ശില്പശാല

2010-07-15T19:20:00.001+05:30

പത്രങ്ങളിലോ ടെലിവിഷനിലോ വാര്‍ത്തകള്‍ എങ്ങനെയുണ്ടാകുന്നുവെന്ന് കൌതുകത്തോടെ ചിന്തിച്ചിരിക്കാമെങ്കിലും പലര്‍ക്കും മാധ്യമപ്രവര്‍ത്തനത്തിന്റെ ലോകം അജ്ഞാതമാണ്. വാര്‍ത്താശേഖരണം, എഡിറ്റിങ്ങ്, എഡിറ്റോറിയല്‍, ഫോട്ടോഗ്രാഫി, അച്ചടി, വിതരണം, ഭാഷാശൈലി, അന്വേഷണാത്മക പത്രപ്രവര്‍ത്തനം, പത്രനിലപാട് തുടങ്ങി മാധ്യമ പ്രവര്‍ത്തനവുമായി ബന്ധപ്പെട്ട പല സംജ്ഞകളും നാം മനസ്സിലാക്കേണ്ടതുണ്ട്. മാധ്യമ പ്രവര്‍ത്തകനാകാന്‍ ആഗ്രഹിക്കുന്ന സ്കൂള്‍ വിദ്യാര്‍ത്ഥികള്‍ക്ക് ഇത്തരം അറിവുകള്‍ നേടിയെടുക്കാന്‍ ഒരിടം ഇല്ലെന്നതാണ് അവസ്ഥ. ഈ രംഗത്തേക്ക് കടന്നുവരാന്‍ വിദ്യാര്‍ത്ഥികള്‍ക്ക് വഴിയൊരുക്കുന്നതിന് വാടാനപ്പള്ളി പ്രസ്സ് ക്ലബ്ബ് മാധ്യമ ശില്പശാല സംഘടിപ്പിക്കുന്നു.

2010 ജൂലായ്-17 ശനിയാഴ്ച തൃത്തല്ലൂര്‍ കമലാ നെഹ്രു മെമ്മോറിയല്‍ വി.എച്ച്.എസ് സ്കൂളില്‍ നടക്കുന്ന ക്യാമ്പില്‍ തളിക്കുളം, വാടാനപ്പള്ളി, ഏങ്ങണ്ടിയൂര്‍ പഞ്ചായത്തുകളിലെ ഹൈസ്കൂള്‍- ഹയര്‍സെക്കണ്ടറി- വി.എച്ച്.എസ്.ഇ വിഭാഗങ്ങളില്‍ നിന്നായി 100 വിദ്യാര്‍ത്ഥികള്‍ പങ്കെടുക്കും. പ്രമുഖ മാധ്യമ പ്രവര്‍ത്തകന്‍ Dr.Sebastian Paul ഉദ്ഘാടനം ചെയ്യും. അച്ചടി മാധ്യമ രംഗങ്ങളിലെ പ്രഗത്ഭരാണ് ക്ലാസ്സുകള്‍ക്ക് നേതൃത്വം നല്‍കുക. ‘പത്രവും സമൂഹവും’ എന്ന വിഷയത്തില്‍ സി.എ.കൃഷ്ണനും (മുന്‍ ബ്യൂറോ ചീഫ്, കേരള കൌമുദി), ‘പത്രനിര്‍മ്മിതി’ എന്ന വിഷയത്തെ അധികരിച്ച് കെ.ഗിരീഷും (സബ്ബ് എഡിറ്റര്‍, ദേശാഭിമാനി, കൊച്ചി), ‘ദൃശ്യമാധ്യമം എന്ത്? എങ്ങിനെ?’ എന്ന വിഷയത്തില്‍ ശ്രീകലയും (ഇന്ത്യാവിഷന്‍ - തൃശൂര്‍), ‘ക്യാമറയും വാര്‍ത്താദൃശ്യങ്ങളും’ എന്നവിഷയത്തില്‍ ഫിറോസ് ഖാനും (ഏഷ്യാനെറ്റ്) ക്ലാസ്സുകള്‍ എടുക്കും. പ്രസ്സ് ക്ലബ്ബ് എക്സി.മെമ്പര്‍ വി.ജി.ഹരികുമാറാണ് ക്യാമ്പ് ഡയറക്ടര്‍. വാടാനപ്പള്ളി പ്രസ്സ് ക്ലബ്ബ് പ്രസിഡണ്ട് എ.ജെ.വിന്‍സണ്‍ അധ്യക്ഷത വഹിക്കും.

INCOME TAX SOFTWARE JULY-2010..!!

2010-07-12T19:19:00.003+05:30

കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂള്‍ അധ്യാപകന്‍ ശ്രീ.വി.എ.ബാബു (Commerce Lecture- VHSE) തയ്യാറാക്കിയ "EC TAX TDS Version July-2010" എന്ന Software സൌജന്യമായി ഡൌണ്‍ലോഡ് ചെയ്യാം....!!!
Govt, Private സ്ഥാപനങ്ങളില്‍ നിന്ന് ശമ്പളം വാങ്ങുന്നവര്‍ക്ക് Saral-1, Acknowledgement, Form No-16 എന്നിവ പരിഷ്കരിച്ച ഫോമില്‍ സമര്‍പ്പിക്കുന്നതിന് ഏറെ സഹായകം.
Tax Returns സമര്‍പ്പിക്കേണ്ട അവസാന ദിവസം : 2010 July - 31
ഡൌണ്‍ലോഡ് ചെയ്യുന്നതിനായി....

CLICK HERE

വുവുസേല എക്സ്പ്രസ്സിന് കമലയുടെ സ്വീകരണം

2010-06-30T17:50:00.003+05:30

മലയാള മനോരമ വാര്‍ത്ത - 2010 ജൂണ്‍ 25-ന് പ്രസിദ്ധീകരിച്ചത്. വലുതായി കാണാന്‍ ചിത്രത്തില്‍ ക്ലിക്ക് ചെയ്യുക

കൌണ്‍സിലിംഗ് ക്ലാസ്സ് ശ്രദ്ധേയമായി

2010-06-18T22:06:00.008+05:30

തൃത്തല്ലൂര്‍ കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂളില്‍ വി.എച്ച്.എസ് വിദ്യാര്‍ത്ഥികള്‍ക്കും രക്ഷിതാക്കള്‍ക്കുമായി നടത്തിയ കൌണ്‍സിലിംഗ് ക്ലാസ് ശ്രദ്ധേയമായി . വോക്കേഷണല്‍ ഹയര്‍ സെക്കണ്ടറി വിദ്യാഭ്യാസത്തിന്റെ പ്രാധാന്യം, സാമൂഹികാവബോധം വളര്‍ത്തിയെടുക്കുന്നതില്‍ കുട്ടികളുടെ പങ്ക് എന്നീ വിഷയങ്ങളെ അധികരിച്ചായിരുന്നു ക്ലാസ്സ്. തൃശൂര്‍ ജില്ലാ അസി. കലക്ടര്‍ ശ്രീ.രാജമാണിക്യം ക്ലാസ്സ് ഉദ്ഘാടനം ചെയ്തു. ഡോ.സന്തോഷ് കുമാര്‍ ക്ലാസ്സ് നയിച്ചു. പി.ടി.എ പ്രസിഡന്റ് സി.എം.നൌഷാദ് അധ്യക്ഷത വഹിച്ചു. സ്കൂള്‍ പ്രിന്‍സിപ്പാള്‍ ഡോളി കുരിയന്‍ , വി എച്ച് എസ്.ഇ അക്കാദമിക് ഹെഡ് കെ.വി.രോഷിണി എന്നിവര്‍ പ്രസംഗിച്ചു. സ്കൂള്‍ കരിയര്‍ ഗൈഡന്‍സ് യൂണിറ്റ് ഇന്‍ ചാര്‍ജ് എന്‍.കെ.സുരേഷ് കുമാര്‍ നന്ദി പറഞ്ഞു.

തൃശൂര്‍ ജില്ലാ അസി. കലക്ടര്‍ ശ്രീ. രാജമാണിക്യം ഉദ്ഘാടനം ചെയ്യുന്നു

ശ്രീ.രാജമാണിക്യം ഉദ്ഘാടന പ്രസംഗം നടത്തുന്നു . പി.ടി.എ പ്രസിഡണ്ട് സി.എം നൌഷാദ്, വി എച്ച്.എസ്.ഇ അക്കാദമിക് ഹെഡ് കെ.വി.രോഷിണി, പ്രിന്‍സിപ്പാള്‍ ഡോളി കുരിയന്‍ എന്നിവര്‍ വേദിയില്‍

കൌണ്‍സിലിംഗ് ക്ലാസ്സില്‍ പങ്കെടുത്ത വിദ്യാര്‍ത്ഥികളും രക്ഷിതാക്കളും

കൌണ്‍സിലിംഗ് ക്ലാസ്സിന് തൃശൂര്‍ അസി. ജില്ലാ കലക്ടര്‍ ശ്രീ.രാജമാണിക്യം ആശംസകള്‍ നേരുന്നു.

അര്‍ജന്റീനയ്ക്ക് കിരീടം..!!

2010-06-14T07:17:00.011+05:30

ലോകകപ്പ് ഫുട്ബോളിന്റെ മുന്നോടിയായി തൃത്തല്ലൂര്‍ കമലാ നെഹ്രു സ്കൂളില്‍ സംഘടിപ്പിച്ച അര്‍ജന്റീന -ബ്രസീല്‍ മത്സരത്തില്‍ വിജയിച്ച അര്‍ജന്റീന ടീമിന് വിദ്യാര്‍ത്ഥികള്‍ തന്നെ ലോകകപ്പ് മാതൃകയില്‍ നിര്‍മ്മിച്ച ട്രോഫി പ്രിന്‍സിപ്പാള്‍ ഡോളി കുരിയന്‍ നല്‍കുന്നു.

മംഗളം വാര്‍ത്ത (2010 ജൂണ്‍-12 ന് പ്രസിദ്ധീകരിച്ചത്) വലുതായി കാണാന്‍ ചിത്രത്തില്‍ ക്ലിക്ക് ചെയ്യുക

മാധ്യമം വാര്‍ത്ത (2010 ജൂണ്‍-12 ന് പ്രസിദ്ധീകരിച്ചത്) വലുതായി കാണാന്‍ ചിത്രത്തില്‍ ക്ലിക്ക് ചെയ്യുക

കമലാ നെഹ്രുവിന് പുരസ്കാരം

2010-04-12T13:33:00.004+05:30

മികച്ച ഹൈസ്കൂളിനുള്ള പുരസ്കാരം പ്രിന്‍സിപ്പാള്‍ ഡോളി കുരിയന്‍ നാട്ടിക എം.എല്‍.എ ശ്രീ.ടി.എന്‍ .പ്രതാപനില്‍ നിന്നും ഏറ്റുവാങ്ങുന്നു.

നാട്ടിക നിയോജക മണ്ഡലം സമഗ്ര വിദ്യാഭ്യാസ പദ്ധതി പ്രകാരം, ഈ വര്‍ഷത്തെ മികച്ച ഹൈസ്കൂളിനുള്ള പുരസ്കാരം തൃത്തല്ലൂര്‍ കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂള്‍ കരസ്ഥമാക്കി. 2009-2010 കാലഘട്ടത്തിലെ പ്രവര്‍ത്തനമികവ് കണക്കിലെടുത്താണ് അവാര്‍ഡ് നല്‍കിയിട്ടുള്ളത്. യു.പി.വിഭാഗത്തില്‍ വാടാനപ്പള്ളി ഗവണ്മെന്റ് ഫിഷറീസ് യു.പി.സ്കൂളിനും, എല്‍.പി.വിഭാഗത്തില്‍ വലപ്പാട് ജി.ഡി.എം. എല്‍.പി. സ്കൂളിനുമാണ് അവാര്‍ഡ് ലഭിച്ചത്. മതിലകം, തളിക്കുളം ബി.പി.ഒ – മാരും, വലപ്പാട് എ.ഇ.ഒ യും, സമഗ്രവിദ്യാഭ്യാസ പദ്ധതി കോ-ഓഡിനേറ്റര്‍മാരും അടങ്ങുന്ന കമ്മറ്റിയാണ് ജേതാ‍ക്കളെ തീരുമാനിച്ചത്. നാട്ടിക എം.എല്‍.എ. ടി.എന്‍ .പ്രതാപന്‍ അവാര്‍ഡുകള്‍ വിതരണം ചെയ്തു.

മികവിന്റെ തിളക്കവുമായി കമലാ നെഹ്രു സ്കൂള്‍

2010-03-27T20:31:00.018+05:30

മികച്ച കരിയര്‍ ഗൈഡന്‍സ് ക്ലബ്ബിനുള്ള അവാര്‍ഡ് ബഹുമാനപ്പെട്ട വിദ്യാഭ്യാസമന്ത്രി ശ്രീ.എം.എ.ബേബിയില്‍ നിന്നും ശ്രീ.എന്‍.കെ.സുരേഷ് കുമാര്‍ (Teacher in History- VHSE) ഏറ്റുവാങ്ങുന്നു.

വി.എച്ച്.എസ്.ഇ.ഡയറക്ടറേറ്റ് 2009-2010 അധ്യയനവര്‍ഷത്തില്‍ തൃശൂര്‍ ജില്ലയിലെ മികച്ച കരിയര്‍ ഗൈഡന്‍സ് യൂണിറ്റിന് ഏര്‍പ്പെടുത്തിയിട്ടുള്ള അവാര്‍ഡ് തൃത്തല്ലൂര്‍ കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂള്‍ കരസ്ഥമാക്കി. 2009 ജൂണ്‍ മുതല്‍ 2010 മാര്‍ച്ച് വരെയുള്ള പ്രവര്‍ത്തനങ്ങളെ വിലയിരുത്തിയാണ് അവാര്‍ഡ് നല്‍കിയിരിക്കുന്നത്. യൂണിറ്റിന്റെ പ്രവര്‍ത്തനങ്ങള്‍ ശ്ലാഘനീയമാണെന്ന് അവാര്‍ഡ് കമ്മറ്റി വിലയിരുത്തി. വ്യക്തിത്വ വികസനം, ഉപരിപഠന സാധ്യതകള്‍, വിദ്യാര്‍ത്ഥികള്‍ക്കും രക്ഷിതാക്കള്‍ക്കുമുള്ള ബോധവല്‍ക്കരണ ക്ലാസ്സുകള്‍, വിദ്യാര്‍ത്ഥികള്‍ക്കായുള്ള പ്രത്യേക കൌണ്‍സിലിംഗ് ക്ലാസ്സുകള്‍, വിദ്യാര്‍ത്ഥികളില്‍ വായനാശീലം വളര്‍ത്തുന്നതിനും ഇംഗ്ലീഷ് കമ്മ്യൂണിക്കേഷന്‍ സ്കില്‍ മെച്ചപ്പെടുത്തുന്നതിനുമുള്ള പ്രവര്‍ത്തനങ്ങള്‍, തുടങ്ങി വിവിധ മേഖലകളിലെ പ്രവര്‍ത്തനങ്ങള്‍ വിലയിരുത്തിയാണ് അവാര്‍ഡ് നല്‍കിയിരിക്കുന്നത്. വിദ്യാഭ്യാസ മന്ത്രി ശ്രീ.എം.എ.ബേബി അവാര്‍ഡുകള്‍ വിതരണം ചെയ്തു.

സ്കൂള്‍ കരിയര്‍ ഗൈഡന്‍സ് യൂണിറ്റിന്റെ വിവിധ പ്രവര്‍ത്തനങ്ങള്‍ക്ക് നേതൃത്വം നല്‍കിയ അധ്യാപകന്‍ ശ്രീ.എന്‍ ‍.കെ സുരേഷ്കുമാറിന് അഭിനന്ദനങ്ങള്‍ .....

TDS CALCULATION SOFTWARE...!!

2010-03-25T22:14:00.007+05:30

കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂള്‍ അധ്യാപകന്‍ ശ്രീ.വി.എ.ബാബു (Commerce Lecture- VHSE) തയ്യാറാക്കിയ "ECTAX TDS Version 2010-2011" എന്ന Software സൌജന്യമായി ഡൌണ്‍ലോഡ് ചെയ്യാം....!!! സര്‍ക്കാര്‍ ജീവനക്കാര്‍ക്കും അധ്യാപകര്‍ക്കും മുന്‍ കൂട്ടി ടാക്സ് കണക്കാക്കി പ്രതിമാസശമ്പളത്തില്‍ നിന്നും നികുതി നിര്‍ണ്ണയം നടത്താന്‍ ഏറെ സഹായകം. പ്രിന്റ് എടുത്ത് ശമ്പളബില്ലിനൊപ്പം വെയ്ക്കാം.ഡൌണ്‍ലോഡ് ചെയ്യുന്നതിനായി....

CLICK HERE

രവി മാസ്റ്റര്‍ക്ക് അഭിനന്ദനങ്ങള്‍...

2010-03-12T20:01:00.003+05:30

ദേശാഭിമാനി പത്രത്തില്‍ 11-03-2010 വ്യാഴാഴ്ച സ്പോര്‍ട്സ് പേജില്‍ പ്രസിദ്ധീകരിച്ചത്. വലുതായി കാണാന്‍ ചിത്രത്തില്‍ ക്ലിക്ക് ചെയ്യുക.

ടാക്സ് റിട്ടേണ്‍സ് നല്‍കല്‍ ഈസിയാക്കാം..!!

2010-02-19T19:14:00.010+05:30

തൃത്തല്ലൂര്‍ കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂള്‍ അധ്യാപകന്‍ ശ്രീ.വി.എ.ബാബു (Commerce lecturer- VHSE) തയ്യാറാക്കിയ "INCOME TAX SOFTWARE-2010" ഡൌണ്‍ ലോഡ് ചെയ്യാനായി.....

CLICK HERE

വാര്‍ഷികാഘോഷവും യാത്രയയപ്പും

2010-02-12T12:24:00.014+05:30

തൃത്തല്ലൂര്‍ കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂള്‍ വാര്‍ഷികവും, വിരമിക്കുന്ന അധ്യാപിക സി.ജി.സുധയ്ക്കുള്ള യാത്രയയപ്പും ടി.എന്‍ .പ്രതാപന്‍ എം.എല്‍.എ ഉദ്ഘാടനം ചെയ്തു. വാടാനപ്പള്ളി ഗ്രാമപഞ്ചായത്ത് പ്രസിഡണ്ട് പി.വി.രവീന്ദ്രന്‍ അധ്യക്ഷത വഹിച്ചു.

സംസ്ഥാനതല കലാ-കായിക മത്സരങ്ങളില്‍ വിജയികളായവര്‍ക്ക് തളിക്കുളം ബ്ലോക്ക് പഞ്ചായത്ത് പ്രസിഡണ്ട് വസന്താ മഹേശ്വരനും, സ്കൂള്‍-ജില്ലാതല വിജയികള്‍ക്ക് പി.ടി.എ.പ്രസിഡണ്ട് സി.എം.നൌഷാദും സമ്മാനങ്ങള്‍ വിതരണം ചെയ്തു. നടന്‍ വി.കെ.ശ്രീരാമന്‍ മുഖ്യാതിഥിയായിരുന്നു. സ്കൂളിന്റെ ഔദ്യോഗിക ഗാനത്തിന്റെ സി.ഡി മാനേജര്‍ കെ.വി.സദാനന്ദന്‍ പ്രകാശനം ചെയ്തു. എം.കെ.ഹനീഫ, പി.എസ്.ചന്ദ്രിക, ബഷീര്‍ വലിയകത്ത്, വസന്ത ചന്ദ്രന്‍ , കെ.വി.സ്വപ്ന, സന്ധ്യ എസ്.തോട്ടാരത്ത്, നിമ്മി നാസര്‍, സി.ജി.സുധ, പ്രിസിപ്പാള്‍ ഡോളി കുരിയന്‍, കെ.വി.രോഷ്നി എന്നിവര്‍ പ്രസംഗിച്ചു. തുടര്‍ന്ന് വിദ്യാര്‍ത്ഥികള്‍ അവതരിപ്പിച്ച വിവിധ കലാപരിപാ‍ടികളും ഉണ്ടായിരുന്നു.

(*മാതൃഭൂമി വാര്‍ത്ത* 2010 ഫെബ്രുവരി-11 വ്യാഴാഴ്ച പ്രസിദ്ധീകരിച്ചത്)

സ്കൂള്‍ വാര്‍ഷികാഘോഷവും യാത്രയയപ്പു സമ്മേളനവും ബഹു:ടി.എന്‍ .പ്രതാപന്‍ എം.എല്‍.എ ഉദ്ഘാടനം ചെയ്യുന്നു

മുഖ്യാതിഥി നടന്‍ വി.കെ.ശ്രീരാമന്‍ ആശംസാപ്രസംഗം നടത്തുന്നു

തിരുവല്ലയില്‍ വച്ചു നടന്ന സംസ്ഥാന സ്കൂള്‍ കായിക മേളയില്‍ വോളിബോളില്‍ പെണ്‍ കുട്ടികളുടെ അണ്ടര്‍-19, ആണ്‍കുട്ടികളുടെ അണ്ടര്‍-17 എന്നീ വിഭാഗങ്ങളില്‍ ജേതാക്കളായ തൃശൂര്‍ ജില്ലാ ടീമംഗങ്ങളായ ശ്രീധന്യ.വി.എസ്, സാലി.കെ.എസ്, അരുണ്‍ തേറമ്പില്‍ എന്നിവര്‍ കായിക അധ്യാപകന്‍ പി.സി.രവിയോടൊപ്പം

കോഴിക്കോട് വച്ച് നടന്ന സംസ്ഥാന സ്കൂള്‍ കലോത്സവത്തില്‍ സമ്മാനാര്‍ഹരായ റുക്സാന.പി.എ, ലദീദ.വി.എച്ച്, ഫര്‍ഹാന.കെ.എ എന്നിവര്‍ അറബിക് അധ്യാപകന്‍ എന്‍.അബ്ദുള്‍ മജീദിനോടൊപ്പം

VHSE EXPO-2010

2010-02-01T19:09:00.010+05:30

VHSE EXPO-2010 ബഹുമാനപ്പെട്ട നാട്ടിക എം.എല്‍.എ ശ്രീ.ടി.എന്‍ പ്രതാപന്‍ ഉദ്ഘാടനം ചെയ്യുന്നു.

ബഹു: ടി.എന്‍ . പ്രതാപന്‍ എം. എല്‍.എ ഉദ്ഘാടന പ്രസംഗം നടത്തുന്നു.

കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂളില്‍
VHSE EXPO-2010 നാട്ടിക എം.എല്‍.എ. ടി.എന്‍ .പ്രതാപന്‍ ഉദ്ഘാടനം ചെയ്തു. വി.എച്ച്.എസ്.വിഭാഗത്തിന്റെ പ്രൊഡക്ഷന്‍ കം ട്രൈനിങ്ങ് സെന്ററിന്റേയും, കരിയര്‍ ഗൈഡന്‍സ് & കൌണ്‍സലിങ്ങ് സെന്റെറിന്റേയും ആഭിമുഖ്യത്തിലാണ് എക്സ്പോ സംഘടിപ്പിക്കപ്പെട്ടത്. മേളയോടനുബന്ധിച്ച് പാലക്കാട് Ahaliya ഹോസ്പ്പിലിന്റെ നേതൃത്വത്തില്‍ നടന്ന സൌജന്യ നേത്ര പരിശോധനാ-തിമിരശസ്ത്രക്രിയാ ക്യാമ്പിലും, പൊതുജനങ്ങള്‍ക്കായി നടന്ന സൌജന്യ ബി.പി, ഷുഗര്‍, ബ്ലഡ് ഗ്രൂപ്പ് ടെസ്റ്റുകളിലും നൂറുകണക്കിനാളുകള്‍ പങ്കെടുത്തു. പുരാവസ്തു വിഭാഗം, ബി.എസ്.എന്‍.എല്‍, എസ്.ബി.ടി, കെ.എസ്.എഫ്.ഇ, ഡി.ടി.പി.സി, കുടുംബശ്രീ എന്നിവയുടേതടക്കം 24-ല്‍ പരം സ്റ്റാളുകള്‍ മേളയെ ആകര്‍ഷകമാക്കി.

‘പരീക്ഷയെ എങ്ങനെ നേരിടാം’ എന്ന വിഷയത്തെ ആസ്പദമാക്കി പ്രശസ്ത സൈക്യാട്രിസ്റ്റ് ഡോ.ത്രേസ്യ ഡയസ് നയിച്ച സെമിനാറും, വി.എച്ച്.എസ്.ഇ വിദ്യാര്‍ത്ഥികളുടെ പി.ടി.സി എസ്കിബിഷനും, മണപ്പുറത്തെ പ്രശസ്ത ചിത്രകാരന്‍ ചന്ദ്രസേനന്‍ മാസ്റ്ററും ശിഷ്യരും ഒരുക്കിയ ചിത്രപ്രദര്‍ശനവും മേളയെ ശ്രദ്ധേയമാക്കി.

പി .ടി.എ പ്രസിഡണ്ട് സി.എം.നൌഷാദ് അധ്യക്ഷത വഹിച്ചു. വാടാനപ്പള്ളി ഗ്രാമപഞ്ചായത്ത് വൈസ് പ്രസിഡണ്ട് ആരിഫ അഷറഫ്, സ്കൂള്‍ മാനേജര്‍ കെ.വി.സദാനന്ദന്‍ , ഗ്രാമപഞ്ചായത്തംഗം എം.കെ.ഹനീഫ എന്നിവര്‍ ആശംസകള്‍ നേര്‍ന്നു. പ്രിസിപ്പാള്‍ ഡോളി കുരിയന്‍ സ്വാഗതവും, കെ.വി.രോഷ്നി നന്ദിയും പറഞ്ഞു.

ക്രിക്കറ്റിലും കമലയ്ക്ക് കിരീടം

2010-01-29T20:47:00.003+05:30

വലപ്പാട് ഗവണ്മെന്റ് ഹയര്‍ സെക്കണ്ടറി സ്കൂള്‍ ഗ്രൌണ്ടില്‍ വെച്ച് നടന്ന വലപ്പാട് ഉപജില്ലാ ക്രിക്കറ്റ് ചാമ്പ്യന്‍ഷിപ്പില്‍ (അണ്ടര്‍-17 ബോയ്സ്) തൃത്തല്ലൂര്‍ കമലാ നെഹ്രു മെമ്മോറിയല്‍ വി.എച്ച്.എസ്.സ്കൂള്‍ ജേതാക്കളായി. നാട്ടിക ഫിഷറീസ് ഹയര്‍ സെക്കണ്ടറി സ്കൂളിനെ നാല് വിക്കറ്റുകള്‍ക്ക് പരാജയപ്പെടുത്തിയാണ് കമലാ നെഹ്രു സ്കൂള്‍ ചാമ്പ്യന്മാരായത്. 44 റണ്‍സെടുത്ത് മികച്ച പ്രകടനം കാഴ്ചവെച്ച ദില്‍ ദിനേശന്‍ സ്കൂളിന്റെ അഭിമാനമായി. തളിക്കുളം ബി.പി.ഒ.സുഭാഷിണി ടീച്ചര്‍ സമ്മാനദാനം നിര്‍വ്വഹിച്ചു.

വലപ്പാട് ഉപജില്ലാ ക്രിക്കറ്റ് ചാമ്പ്യന്‍ഷിപ്പില്‍ ജേതാക്കളായ കമലാ നെഹ്രു സ്കൂള്‍ ടീം, മാനേജര്‍ കെ.വി.സദാനന്ദന്‍ , പി.ടി.എ.പ്രസിഡണ്ട് സി.എം.നൌഷാദ്, പ്രിന്‍സിപ്പാള്‍ ഡോളി കുരിയന്‍ , കായിക അധ്യാപകന്‍ പി.സി.രവി എന്നിവര്‍ക്കൊപ്പം.

കലാ പ്രതിഭകള്‍ക്ക് ആദരം

2010-01-19T20:12:00.006+05:30

കോഴിക്കോട് നടന്ന സംസ്ഥാന സ്കൂള്‍ കലോത്സവത്തില്‍ അറബിക് വിഭാഗത്തില്‍ വിവിധയിനങ്ങളില്‍ ‘എ’ ഗ്രേഡ് നേടിയ കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂളിലെ ഫര്‍ഹാന, ലദീദ, റുക്സാന, ദുല്‍ഫത്ത് എന്നീ വിദ്യാര്‍ത്ഥിനികളെ സ്കൂള്‍ പി.ടി.എ അനുമോദിച്ചു. വാടാനപ്പള്ളി ഗ്രാമപഞ്ചായത്ത് പ്രസിഡണ്ട് ശ്രീ.പി.വി.രവീന്ദ്രന്‍ മാസ്റ്റര്‍ അനുമോദനയോഗം ഉദ്ഘാടനം ചെയ്തു. അറബിക് അധ്യാപകന്‍ (എച്ച്.എസ്.വിഭാഗം) അബ്ദുള്‍ മജീദിന് പുരസ്കാരം നല്‍കി. പി.ടി.എ പ്രസിഡണ്ട് സി.എം.നൌഷാദ് അധ്യക്ഷത വഹിച്ചു. പ്രിന്‍സിപ്പാള്‍ ഡോളി കുരിയന്‍ സ്വാഗതവും, സി.വി.രാജലക്ഷ്മി നന്ദിയും പറഞ്ഞു.

ലദീദ, ഫര്‍ഹാന, റുക്സാന, ദുല്‍ഫത്ത് എന്നിവര്‍ സമ്മാനങ്ങളുമായി

അറബിക് അധ്യാപകരായ മജീദ് മാസ്റ്റര്‍(മധ്യത്തില്‍), സഗീര്‍ മാസ്റ്റര്‍(ഇടത്ത്)എന്നിവര്‍ പി.ടി.എ പ്രസിഡണ്ട് സി.എം.നൌഷാദിനോടൊപ്പം

കലാ പ്രതിഭകള്‍ വാടാനപ്പള്ളി പഞ്ചായത്ത് പ്രസിഡണ്ട് പി.വി.രവീന്ദ്രന്‍ മാസ്റ്റര്‍, പ്രിന്‍സിപ്പാള്‍ ഡോളി കുരിയന്‍ എന്നിവരോടൊപ്പം

കിരീടവുമായി കേരളം

2010-01-17T08:00:00.010+05:30

കര്‍ണാടകയിലെ ദാവന്‍ ഗരെയില്‍ നടന്ന അമ്പത്തിയഞ്ചാമത് ദേശീയ സ്കൂള്‍ വോളിബോള്‍ ചാമ്പ്യന്‍ഷിപ്പില്‍, വര്‍ഷങ്ങള്‍ക്ക് മുന്‍പ് നഷ്ടപ്പെട്ട കിരീടം തിരിച്ചു പിടിച്ചു കൊണ്ട് കേരള പെണ്‍കുട്ടികള്‍ ജേതാക്കളായി. പ്രതികൂല കാലാവസ്ഥയിലും എല്ലാ കളികളിലും പരാജയമറിയാതെ പോരാടിയ കേരള ടീം ഫൈനലില്‍ മഹാരാഷ്ട്രയെ നേരിട്ടുള്ള സെറ്റുകള്‍ക്കാണ് പരാജയപ്പെടുത്തിയത്. സ്കോര്‍ : 25-16, 25-18, 25-22. കേരളത്തിനു വേണ്ടി ക്യാപ്റ്റന്‍ ആതിര, ശില്‍പ്പ , ബിന്‍സി എന്നിവര്‍ നല്ല പ്രകടനം കാഴ്ച വെച്ചു.

കണ്ണൂര്‍ സ്പോര്‍ട്സ് ഡിവിഷന്‍, കോഴിക്കോട് സായ്, പിന്നെ മറ്റു ജില്ലകളില്‍ നിന്നും തെരഞ്ഞെടുത്ത താരങ്ങള്‍ എന്നിവരായിരുന്നു ടീമിലുണ്ടായിരുന്നത്. വിദഗ്ദരടങ്ങിയ നാലംഗ സെലക്ഷന്‍ കമ്മിറ്റി തെരഞ്ഞെടുത്ത താരങ്ങളെ പ്രത്യേകം ക്യാമ്പിലെത്തിച്ച് ടീമാക്കി മാറ്റുകയാണ് പതിവ്. ഈ വര്‍ഷത്തെ പരിശീലന ക്യാമ്പ് കഴിഞ്ഞ ഡിസംബര്‍-2 മുതല്‍ 7-വരെ തൃശൂര്‍ ജില്ലയിലെ തൃത്തല്ലൂര്‍ കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂളിലാണ് നടന്നത്. പി.സുരേന്ദ്രനായിരുന്നു കോച്ച്.

അമ്പത്തിയഞ്ചാമത് ദേശീയ സ്കൂള്‍ വോളിബോള്‍ ചാമ്പ്യന്‍ഷിപ്പില്‍ പെണ്‍കുട്ടികളുടെ വിഭാഗത്തില്‍ ജേതാക്കളായ കേരള ടീം

കേരള ടീം ഗ്രൌണ്ടില്‍ പോരാട്ടത്തിനിറങ്ങിയപ്പോള്‍

ഫൈനല്‍ കാണാനെത്തിയ ജനാവലി : തിങ്ങി നിറഞ്ഞ ഗാലറി

കേരള ടീമിന്റെ വിജയാഹ്ലാദം കാണികളുടേതു കൂടിയായപ്പോള്‍

അമ്പത്തിയഞ്ചാമത് ദേശീയ സ്കൂള്‍ വോളിബോള്‍ കിരീടവുമായി കേരള ടീം

രണ്ടാം സ്ഥാനത്തെത്തിയ മഹാരാഷ്ട്ര ടീം പരിശീലകയോടൊപ്പം

ചരിത്രനേട്ടവുമായി കമലാ നെഹ്രു സ്കൂള്‍

2010-01-15T18:47:00.009+05:30

*മംഗളം വാര്‍ത്ത* 2010 ജനുവരി-15 ന് പ്രസിദ്ധീകരിച്ചത്
വലുതായി കാണാന്‍ ചിത്രത്തില്‍ ക്ലിക്ക് ചെയ്യുക

ഫര്‍ഹാനയ്ക്ക് അഭിനന്ദനങ്ങള്‍....

2010-01-12T10:23:00.003+05:30

കോഴിക്കോട് വച്ച് നടക്കുന്ന സംസ്ഥാന സ്കൂള്‍ കലോത്സവത്തില്‍ ഹൈസ്കൂള്‍ വിഭാഗം അറബിക് നിഘണ്ടു നിര്‍മ്മാണത്തില്‍ ഒന്നാം സ്ഥാനം നേടിയ തൃത്തല്ലൂര്‍ കമലാനെഹ്രു മെമ്മോറിയല്‍ വി.എച്ച്.എസ്.സ്കൂളിലെ പത്താം ക്ലാസ് വിദ്യാര്‍ത്ഥിനി കുമാരി ഫര്‍ഹാനയ്ക്ക് അഭിനന്ദനങ്ങള്‍.....

*കേരളകൌമുദി വാര്‍ത്ത* - *2010 ജനുവരി-12 ന് പ്രസിദ്ധീകരിച്ചത്*

കേരള ടീം തൃത്തല്ലൂരില്‍ നിന്നും ദാവന്‍ഗരയിലേക്ക്....

2010-01-08T07:32:00.010+05:30

സംസ്ഥാന സ്കൂള്‍ വോളിബോള്‍ ടീമംഗങ്ങള്‍ വലപ്പാട് AEO ശ്രീ.എ.ബി.ജയപ്രകാശ്,
പരിശീലകരായ പി.സി.രവി, പി സുരേന്ദ്രന്‍ എന്നിവരോടൊപ്പം

ദേശീയ സ്കൂള്‍ വോളിബോള്‍ ചാമ്പ്യന്‍ഷിപ്പില്‍ പങ്കെടുക്കാനുള്ള സംസ്ഥാന ടീമിനായുള്ള അഞ്ച് ദിവസത്തെ കോച്ചിംഗ് ക്യാമ്പ് തൃത്തല്ലൂര്‍ കമലാ നെഹ്രു മെമ്മോറിയല്‍ വി എച്ച് എസ് സ്കൂളില്‍ സമാപിച്ചു. വിവിധ ജില്ലകളില്‍ നിന്നായി 12 ആണ്‍കുട്ടികളും, 12 പെണ്‍കുട്ടികളുമാണ് ക്യാമ്പില്‍ പങ്കെടുത്തത്. ആണ്‍കുട്ടികളുടെ ടീമിന്റെ കോച്ച് കമലാ നെഹ്രു സ്കൂളിലെ കായികാധ്യാപകന്‍ ശ്രീ.പി.സി.രവി മാസ്റ്ററും, പെണ്‍കുട്ടികളുടെ ടീമിന്റെ കോച്ച് ശ്രീ.പി.സുരേന്ദ്രനുമായിരുന്നു. ടി.എന്‍ .സജില്‍ പി.ആര്‍. ജയ്സിമോള്‍ എന്നിവരാണ് ടീം മാനേജര്‍മാര്‍. അവസാനവട്ട പരിശീലനത്തിലൂടെ ലഭിച്ച ആത്മ വിശ്വാസവുമായി ടീം ഇന്നലെ ബാംഗ്ലൂരിലേക്ക് യാത്രതിരിച്ചു. കര്‍ണാടകയിലെ ദാവന്‍ഗരയില്‍ ജനു: 9 മുതല്‍ 12 വരെയാണ് ദേശീയ സ്കൂള്‍ വോളിബോള്‍ ചാമ്പ്യന്‍ഷിപ്പ് നടക്കുന്നത്.

നേരത്തെ നാട്ടിക എം.എല്‍.എ.ടി.എന്‍ . പ്രതാപന്‍ ക്യാമ്പ് ഉദ്ഘാടനം ചെയ്തു. വാടാനപ്പള്ളി ഗ്രാമപഞ്ചായത്ത് പ്രസിഡണ്ട് ശ്രീ.പി.വി. രവീന്ദ്രന്‍ മാസ്റ്റര്‍ അദ്ധ്യക്ഷനായിരുന്നു. പി.ടി.എ.പ്രസിഡണ്ട് സി.എം.നൌഷാദ് , വാര്‍ഡ് മെമ്പര്‍ എം.കെ.ഹനീഫ എന്നിവര്‍ ആശംസകള്‍ നേര്‍ന്നു. പ്രിന്‍സിപ്പാള്‍ ഡോളി കുര്യന്‍ സ്വാഗതവും, സി.വി.രാജലക്ഷ്മി നന്ദിയും പറഞ്ഞു.

ലതീതയ്ക്ക് അഭിനന്ദനങ്ങള്‍

2010-01-06T20:58:00.004+05:30

കേരള കൌമുദി പത്രത്തില്‍ 2010 ജനുവരി- 6 ന് പ്രസിദ്ധീകരിച്ചത്.
വാര്‍ത്ത വലുതായി കാണാന്‍ ചിത്രത്തില്‍ ക്ലിക്ക് ചെയ്യുക.

കമലാ നെഹ്രു സ്കൂള്‍ ജേതാക്കള്‍

2009-12-31T18:58:00.001+05:30

തൃപ്രയാര്‍: ചെന്ത്രാപ്പിന്നി എസ്.എന്‍ . എസ്.സിയുടെ അഖില കേരള വോളിബോള്‍ ടൂര്‍ണമെന്റിനോടനുബന്ധിച്ച് നടത്തിയ സ്കൂള്‍സ് വോളിബോള്‍ ടൂര്‍ണമെന്റില്‍ തൃത്തല്ലൂര്‍ കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂള്‍ ചാമ്പ്യന്മാരായി. പറവൂര്‍ എച്ച്.എം.വൈ.എസ്.ഹയര്‍ സെക്കണ്ടറി സ്കൂളിനെയാണ് ഫൈനലില്‍ തൃത്തല്ലൂര്‍ സ്കൂള്‍ പരാജയപ്പെടുത്തിയത്. തൃത്തല്ലൂറിലെ അരുണ്‍ തേറമ്പിലാണ് മികച്ച കളിക്കാരന്‍ . ടി.ടി.കുമാരന്‍ സമ്മാന ദാനം നിര്‍വ്വഹിച്ചു.
(*മാതൃഭൂമി വാര്‍ത്ത* 2009 ഡിസംബര്‍-29 ചൊവ്വാഴ്ച പ്രസിദ്ധീകരിച്ചത്)

പഠനയാത്ര

2009-12-24T09:55:00.004+05:30

കമലാ നെഹ്രു മെമ്മോറിയല്‍ വി.എച്ച്.എസ്.സ്കൂളിലെ യു.പി വിഭാഗം വിദ്യാര്‍ത്ഥികള്‍ കൊടുങ്ങല്ലൂര്‍ സയന്‍സ് സെന്ററിലേക്ക് പഠനയാത്ര നടത്തി. 100 വിദ്യാര്‍ത്ഥികള്‍ക്കാണ് പ്രവേശനാനുമതി ലഭിച്ചിരുന്നത്. ജനറല്‍ ക്ലാസ്സുകള്‍ക്ക് പുറമെ കുട്ടികളെ 4 ഗ്രൂപ്പുകളാക്കി തിരിച്ച് വിവിധ ലാബുകളില്‍ പ്രത്യേക ക്ലാസ്സുകളും ഉണ്ടായിരുന്നു. ഓരോ ലാബിലും പ്രത്യേകം അധ്യാപകരും ഉണ്ടായിരുന്നു. മാത്സ്, ഫിസിക്സ്, കെമിസ്റ്റ്ട്രി, ബയോളജി ലാബുകളിലെ വിവിധ പ്രവര്‍ത്തനങ്ങളിലൂടെ ശാസ്ത്രസത്യങ്ങളെ പരീക്ഷണ നിരീക്ഷണങ്ങളിലൂടെയും സ്വാനുഭവങ്ങളിലൂടെയും മനസ്സിലാക്കാന്‍ കുട്ടികള്‍ക്കായി. കഥയും കളിയും പരീക്ഷണങ്ങളുമായി ശ്രീജിത്ത് മാസ്റ്റര്‍ ക്ലാസ്സുകള്‍ക്ക് നേതൃത്വം നല്‍കി. രാവിലെ 10 മുതല്‍ വൈകീട്ട് 4 വരെ
നടന്ന വിവിധ പ്രവര്‍ത്തനങ്ങള്‍ കുട്ടികള്‍ക്ക് നവ്യാനുഭവമായി.

സാഹിത്യ ശില്പശാല

2009-12-20T16:44:00.002+05:30

മണപ്പുറത്തിന്റെ പ്രിയകവി ഏങ്ങണ്ടിയൂ‍ര്‍ ചന്ദ്രശേഖരന്‍ ക്ലാസ്സെടുക്കുന്നു

വിദ്യാരംഗം കലാസാഹിത്യ വേദിയുടേയും സര്‍വ്വശിക്ഷാ അഭിയാന്റേയും സംയുക്താഭിമുഖ്യത്തില്‍ ദ്വിദിന “എഴുത്തുകൂട്ടം - വായനക്കൂട്ടം“ ശില്പശാല ഡിസംബര്‍-17,18 തിയ്യതികളില്‍ തൃത്തല്ലൂര്‍ കമലാനെഹ്രു സ്കൂളില്‍ നടന്നു. ഫയലും പേനയുമായി നിന്ന കുട്ടികള്‍ക്ക് അക്ഷരദീപം നല്‍കിക്കൊണ്ട് വാടാനപ്പള്ളി പഞ്ചായത്ത് പ്രസിഡണ്ട് ശ്രീ.പി.വി.രവീന്ദ്രന്‍ മാസ്റ്റര്‍ ശില്പശാല ഉദ്ഘാടനം ചെയ്തു. പഞ്ചായത്തിലെ 11- സ്കൂളുകളില്‍ നിന്നായി തെരഞ്ഞെടുത്ത 50 കുട്ടികളാണ് ശില്പശാലയില്‍ പങ്കെടുത്തത്. മണപ്പുറത്തെ പ്രശസ്ത സാഹിത്യകാരന്മാര്‍ ശില്പശാലയില്‍ പങ്കെടുത്തു. കമലാനെഹ്രു സ്കൂള്‍ അധ്യാപിക സന്ധ്യ.എസ്.തോട്ടാരത്ത് ശില്പശാലയ്ക്ക് നേതൃത്വം നല്‍കി.

അവരുടെ കാഴ്ച (കവിത)

2009-12-19T14:37:00.003+05:30

സുനിഷ.കെ.എസ് രചിച്ച ഈ കവിത മലയാള മനോരമ പഠിപ്പുരയില്‍ 2009 നവംബര്‍-11 ന് പ്രസിദ്ധീകരിച്ചു. വലുതായി കാണാന്‍ ചിത്രത്തില്‍ ക്ലിക്ക് ചെയ്യുക

Arun...We are proud of you...

2009-12-19T12:34:00.006+05:30

മാതൃഭൂമി പത്രത്തില്‍ 19-12-2009 ശനിയാഴ്ച പ്രസിദ്ധീകരിച്ചത്

വലുതായി കാണാന്‍ ചിത്രത്തില്‍ ക്ലിക്ക് ചെയ്യുക

SS CLUB- ന് അഭിനന്ദനങ്ങള്‍

2009-12-16T21:16:00.010+05:30

വലപ്പാട് ഉപജില്ലാ സാമൂഹ്യ ശാസ്ത്ര മേളയില്‍ ഒന്നാം സ്ഥാനം നേടിയ
കമലാ നെഹ്രു സ്കൂളിനുള്ള കിരീടം ചാവക്കാട് DEO ശ്രീമതി.വിശാലാക്ഷി,
വലപ്പാട് AEO ശ്രീ.എ.ബി.ജയപ്രകാശ്, എന്നിവരുടെ സാന്നിധ്യത്തില്‍
ശ്രീ.ദേവാനന്ദ് മാസ്റ്റര്‍ ഏറ്റുവാങ്ങുന്നു

വലപ്പാട് ഉപജില്ലാ സാമൂഹ്യശാസ്ത്ര മേളയില്‍ ഒന്നാം സ്ഥാനം

കരസ്ഥമാക്കിയ കമലാ നെഹ്രു സ്കൂളിലെ സോഷ്യല്‍ സയന്‍സ്

ക്ലബ്ബ് അംഗങ്ങള്‍ പ്രിന്‍സിപ്പാള്‍ ഡോളി കുരിയനോടോപ്പം

നമ്മുടെ ഗ്രാമചരിത്രത്തിലൂടെ....

2009-12-12T17:08:00.004+05:30

വാടാനപ്പള്ളിയുടെ സമീപകാല ചരിത്രത്തിലേക്ക് എത്തിനോക്കുന്നതിന് മുന്‍പ് അതിന്റെ വിദൂര പശ്ചാത്തലത്തിലേക്ക് നമുക്കൊന്ന് കണ്ണോടിക്കാം. അശോക ചക്രവര്‍ത്തിയുടെ കാലമായ ബി.സി.മൂന്നാം ശതകത്തില്‍ തന്നെ ബുദ്ധമതം കേരളത്തില്‍ പ്രചരിച്ചിരുന്നു. ബുദ്ധമതവിഹാരങ്ങളെ പള്ളികള്‍ എന്നാണ് പറഞ്ഞിരുന്നത്. കൃസ്ത്യാനികളും, മുസ്ലീങ്ങളും തങ്ങളുടെ ദേവാലയങ്ങളെ ഇന്നും പള്ളികള്‍ എന്നാണ് വിളിച്ചു വരുന്നത്. ശ്രീബുദ്ധന്‍ പാലി ഭാഷയിലാണ് തത്വോപദേശം ചെയ്തിരുന്നത്. പള്ളി മുതലായ മലയാളത്തില്‍ പ്രചരിച്ചിട്ടുള്ള പല പാലി പദങ്ങളും ബുദ്ധമതസമ്പര്‍ക്കം മൂലം ലഭിച്ചിട്ടുള്ളതാണ്. പള്ളി എന്ന സംജ്ഞ പല പ്രദേശങ്ങളുടേയും പേരിനോട് ചേര്‍ന്നും പ്രചാരത്തിലുണ്ട്. അങ്ങനെയുണ്ടായ സ്ഥലനാമങ്ങളിലൊന്നാണ് ‘വാടാനപ്പള്ളി’ എന്ന് അനുമാനിക്കേണ്ടിയിരിക്കുന്നു.

വിദേശികളും സ്വദേശികളുമായ ഭരണാധികാരികള്‍ തന്ത്രപ്രധാനമായ മണപ്പുറം ദ്വീപിനു വേണ്ടി പലപ്പോഴും പോരാടിയിട്ടുണ്ട്. സ്വാതന്ത്ര്യ സമരചരിത്രത്തിലും മണപ്പുറത്തിന് അതിന്റേതായ സ്ഥാനമുണ്ട്. ഡച്ചുകാരും, ഫ്രഞ്ചുകാരും, പോര്‍ച്ചുഗീസുകാരും ഇംഗ്ലീഷുകാരും ഈ മണ്ണില്‍ ആധിപത്യം പുലര്‍ത്തിയിരുന്നവരാണ്. ഡച്ചുകാരെ തോല്‍പ്പിച്ച് മൈസൂര്‍ സുല്‍ത്താന്മാരായ ഹൈദറും, ടിപ്പുവും ഇവിടെ ഭരണം നടത്തിയിട്ടുണ്ട്. അന്നത്തെ കയറ്റുമതി കേന്ദ്രങ്ങളില്‍ അട്ടുക്കുഴി(നാട്ടിക), മാടായി(വാടാനപ്പള്ളിക്ക് വടക്കുവശം) എന്നിവ പ്രസിദ്ധങ്ങളായിരുന്നു. ഒരു കാലത്ത് കപ്പലടുക്കുന്ന തുറമുഖമായിരുന്ന ചേറ്റുവായില്‍ റോമക്കാര്‍ കുടിയേറിപ്പാര്‍ത്തിരുന്നുവെന്നും പറയപ്പെടുന്നു.

തൊഴിലില്ലായ്മ
മണപ്പുറത്തെ ജനങ്ങള്‍ എന്നും പ്രബുദ്ധരായിരുന്നു. എന്നാല്‍ രൂക്ഷമായ തൊഴിലില്ലായ്മയും നിത്യദാരിദ്ര്യവും മൂലം നിരവധി പേര്‍ ജീവിത മാര്‍ഗം തേടി അന്യ നാടുകളെ ആശ്രയിക്കാന്‍ നിര്‍ബന്ധിതരായി. ആദ്യ കാലത്ത് വാടാനപ്പള്ളിയിലും പരിസരത്തുമുള്ള ജനങ്ങള്‍ ജോലി തേടി ചെന്നത് സിലോണ്‍ എന്നറിയപ്പെടുന്ന ഇന്നത്തെ ശ്രീലങ്കയിലായിരുന്നു. 1947-ല്‍ ഇന്ത്യ സ്വതന്ത്രമായതോടെ സിലോണില്‍ കുടിയേറ്റ നിയന്ത്രണങ്ങളുണ്ടായി. തുടര്‍ന്ന് മറ്റ് മേച്ചില്‍പ്പുറങ്ങള്‍ കണ്ടുപിടിക്കാന്‍ മണപ്പുറത്തുകാര്‍ നിര്‍ബന്ധിതരായി. പിന്നീടങ്ങോട്ട് ഗള്‍ഫ് രാജ്യങ്ങളിലേക്കുള്ള ഒഴുക്കായിരുന്നു. ഇന്ന് ഗള്‍ഫ് മേഖലയിലുള്ളവര്‍ വാടാനപ്പള്ളിയുടെ വികസനത്തിന് നര്‍കുന്ന സംഭാവനകള്‍ വളരെ വലുതാണ്.

ആരാധനാലയങ്ങള്‍
870-ല്‍ പരം വര്‍ഷങ്ങള്‍ പഴക്കമുള്ള ദുര്‍ഗ്ഗാദേവി ക്ഷേത്രമാണ് വാടാനപ്പള്ളിയിലെ പ്രശസ്തമായ ഹൈന്ദവ ക്ഷേത്രം. തൃത്തല്ലൂര്‍ ശിവക്ഷേത്രവും പഞ്ചായത്തിലെ മറ്റൊരു പുരാതനമായ ഹൈന്ദവ ക്ഷേത്രമാണ്. 200-ല്‍ ഏറെ വര്‍ഷങ്ങള്‍ പഴക്കമുള്ള തെക്കേ ജുമാ-അത്ത് പള്ളിയാണ് വാടാനപ്പള്ളിയിലെ ഏറ്റവും പഴക്കമുള്ള മുസ്ലീം ദേവാലയം. വാടാനപ്പള്ളി ദേവസ്വം സൌജന്യമായി വിട്ടുകൊടുത്ത ഭൂമിയിലാണ് അന്ന്‍ പള്ളിയുടെ ശിലാസ്ഥാപനം നടത്തിയത്. ഇരുന്നൂറോളം വര്‍ഷം പഴക്കമുള്ള വടക്കേ ജുമാ-അത്ത് പള്ളിയാണ് പഞ്ചായത്തിലെ പ്രസിദ്ധമായ മറ്റൊരു മുസ്ലീം ദേവാലയം. 1894-ല്‍ ആണ് വാടാനപ്പള്ളിയില്‍ ഒരു കുരിശു പള്ളി സ്ഥാപിക്കുന്നത്. 1899-ലാണ് കുരിശു പള്ളി ഇടവക പള്ളിയായി ഉയര്‍ന്നത്. അതിനു മുന്‍പ് കണ്ടശ്ശാംകടവ് പള്ളിയായിരുന്നു വാടാനപ്പള്ളിയിലെ കൃസ്ത്യന്‍ കുടുംബങ്ങളുടെ ഇടവക പള്ളി.

സാമൂഹ്യസ്ഥിതി
ജാതിവ്യവസ്ഥ വളരെ ശക്തമായ നിലയില്‍ തന്നെ നിലനിന്നിരുന്നു. അധ:സ്ഥിത ജനവിഭാഗത്തിന് ഷര്‍ട്ട് ഇടാനോ, മാറു മറയ്ക്കാനോ, മുട്ടിറങ്ങുന്ന മുണ്ടുടുക്കാനോ ഉള്ള അവകാശം പോലും അക്കാലത്ത് നിഷേധിക്കപ്പെട്ടിരുന്നു. വാടാനപ്പള്ളി, തൃത്തല്ലൂര്‍ ദേവസ്വങ്ങളുടെ ഉടമസ്ഥതയിലായിരുന്നു കൃഷിഭൂമിയില്‍ ഏറിയ ഭാഗവും. അപൂര്‍വ്വം ചില ഈഴവ-ധീവര-മുസ്ലീം ഭൂപ്രഭുക്കളും ഉണ്ടായിരുന്നു.

ദേശീയ പ്രസ്ഥാനങ്ങള്‍ ഉടലെടുക്കുന്നു
ഗുരുവായൂ‍ര്‍ ക്ഷേത്ര പ്രവേശന സത്യാഗ്രഹത്തോടെയാണ് വാടാനപ്പള്ളിയില്‍ ദേശീയ പ്രസ്ഥാനം സജീവമാകുന്നത്. 1937-ലാണ് ഔപചാരികമായി വാടാനപ്പള്ളിയില്‍ കോണ്‍ഗ്രസ് കമ്മറ്റി രൂപം കൊള്ളുന്നത്. അതിനു മുന്‍പ് തന്നെ സാമൂഹ്യ പരിഷ്കരണ രംഗത്ത് എസ്.എന്‍ .ഡി.പി യുടേയും മറ്റും നേതൃത്വത്തില്‍ നിരവധി പ്രവര്‍ത്തനങ്ങള്‍ നടന്നിട്ടുണ്ട്. ഗുരുവായൂര്‍ ക്ഷേത്രപ്രവേശന സത്യഗ്രഹത്തിന്റെ ചുവടു പിടിച്ച് വാടാനപ്പള്ളി ക്ഷേത്രത്തിലും പിന്നോക്ക ജാതിക്കാര്‍ക്ക് പ്രവേശനം വേണമെന്ന്‍ ആവശ്യപ്പെട്ടുകൊണ്ട് നിരവധി ജാഥകള്‍ നടന്നിട്ടുണ്ട്. എസ്.എന്‍ .ഡി.പി-യുടെ നേതൃത്വത്തില്‍ വേട്ടുവ സമുദായത്തില്‍പ്പെട്ട ഒരു പുരുഷനെക്കൊണ്ട് ഈഴവ സ്ത്രീയെ മിശ്രവിവാഹം നടത്തിയ സംഭവവും അക്കാലത്തുണ്ടായിട്ടുണ്ട്. 1940-കളോടെ വാടാനപ്പള്ളിയില്‍ കര്‍ഷക പ്രസ്ഥാനം രൂപം കൊള്ളാ‍ന്‍ തുടങ്ങി.

ചാവക്കാട് താലൂക്ക് രൂപം കൊള്ളുന്നു
ഐക്യ കേരളം രൂപീകൃതമാകുന്നതിന് മുന്‍പ് തിരുവിതാംകൂര്‍, കൊച്ചി, മലബാര്‍ എന്നിങ്ങനെ മൂന്ന് പ്രത്യേക പ്രദേശങ്ങളായിരുന്നു ഉണ്ടായിരുന്നത്. ബ്രിട്ടീഷ് ഭരണകാലത്ത് മദ്രാസ് സംസ്ഥാനത്തിന്റെ ഭാഗമായ ഒരു അവികസിത ജില്ലയായിരുന്നു മലബാര്‍. ഇന്നത്തെ കാസര്‍കോട്, വയനാട്, കോഴിക്കോട്, മലപ്പുറം, തൃശൂര്‍ ജില്ല്യുടെ കുറേ ഭാഗങ്ങല്‍ എന്നിവയായിരുന്നു പഴയ മലബാറില്‍ ഉള്‍പ്പെട്ടിരുന്നത്. 1956നവംബര്‍ 1-ന് ഐക്യകേരളം രൂപീകൃതമായി. 1957 ജനൌവരി 1-ന് മലബാറിനെ വിവിധ ജില്ലകളായി പുന:സംഘടിപ്പിച്ചപ്പോള്‍ പുതിയതായി രൂപംകൊണ്ട ചാവക്കാട് താലൂക്ക് തൃശൂര്‍ ജില്ലയോട് ചേര്‍ന്നു.

വാടാനപ്പള്ളി പഞ്ചായത്ത് രൂപീകൃതമാകുന്നു
കേരളത്തിന്റെ സാംസ്കാരിക തലസ്ഥാനമായ തൃശൂര്‍ പട്ടണത്തില്‍ നിന്നും 18 കി.മീ പടിഞ്ഞാറ് മാറി വാടാനപ്പള്ളി പഞ്ചായത്ത് സ്ഥിതിചെയ്യുന്നു. 1962 ജനുവരി 1-നാണ് വാടാനപ്പള്ളി പഞ്ചായത്ത് സ്ഥാപിതമായത്. 1963 ഡിസംബര്‍ മാസത്തില്‍ ആദ്യ തെരഞ്ഞെടുപ്പ് നടന്നു. അന്ന് 7 വാര്‍ഡുകളും 9 പ്രതിനിധികളുമാണ് ഉണ്ടായിരുന്നത്. പ്രഥമ പ്രസിഡണ്ടായി ശ്രീ.പി.ആര്‍.കുമാരനും, വൈസ് പ്രസിഡണ്ടായി ശ്രീ.എ.കെ.മുഹമ്മദുമാണ് തെരഞ്ഞെടുക്കപ്പെട്ടത്. ഇപ്പോള്‍ പഞ്ചായത്തില്‍ 17 വാര്‍ഡുകള്‍ ഉണ്ട്.

വീടുകള്‍
തെങ്ങോല ഉപയോഗിച്ചുള്ള കുടിലുകളും, കളിമണ്ണ് വാരിപ്പൊത്തിയുണ്ടാക്കുന്ന ചുമരുകളും, മെടച്ചില്‍ ഓല ഉപയോഗിച്ചുള്ള മേല്‍പ്പുരകളും എന്നതായിരുന്നു ഒട്ടുമുക്കാലും വീടുകളുടെ പഴയ കാലത്തെ സ്ഥിതി. അപൂര്‍വ്വം ചില സമ്പന്നകുടുംബങ്ങള്‍ക്ക് മാത്രമേ ചെങ്കല്ലു കൊണ്ടുള്ള ഭിത്തികളും ഓടു മേഞ്ഞ മേല്‍ക്കൂരയുമുള്ള വീടുകള്‍ ഉണ്ടായിരുന്നുള്ളൂ.

കൃഷി
തെങ്ങ് കൃഷിയാണ് പഞ്ചായത്തിലെ മുഖ്യമായ കൃഷി. എന്നാല്‍ ഉല്‍പ്പാദനച്ചിലവ് വര്‍ദ്ധിക്കുകയും ഉല്‍പ്പന്നത്തിന്റെ വില ഇടിയുകയും ചെയ്തതിന്റെ ഫലമായി തെങ്ങ് കൃഷിക്കാര്‍ അതിരൂക്ഷമായ സാമ്പത്തിക പ്രതിസന്ധിയിലാണ്. പറമ്പുകളില്‍ ഇടവിളകള്‍ ഒന്നും തന്നെ കൃഷി ചെയ്യപ്പെടുന്നില്ല. ഭൂരിപക്ഷം ആളുകള്‍ക്കും കൃഷി ഒരു അനുബന്ധ തൊഴില്‍ മാത്രമാണ്. നെല്‍കൃഷി പ്രായേണ ഇല്ലാതായിക്കഴിഞ്ഞു.

വിദ്യാഭ്യാസം
സ്വാതന്ത്ര്യം കിട്ടുന്നതിന് മുന്‍പ് തന്നെ സ്ഥാപിക്കപ്പെട്ട പത്തോളം സ്കൂളുകള്‍ പ്രാഥമിക വിദ്യാഭ്യാസരംഗത്ത് ഗണ്യമായ മുന്നേറ്റത്തിന് വഴിയൊരുക്കിയിരുന്നു. 100 വര്‍ഷങ്ങള്‍ക്ക് മുന്‍പ് സ്ഥാപിക്കപ്പെട്ട ഈസ്റ്റ്. എല്‍.പി.സ്കൂളാണ് പഞ്ചായത്തിലെ ആദ്യ വിദ്യാലയം. 1930-ന് മുന്‍പ് തന്നെ ബോധാനന്ദ വിലാസം എല്‍.പി, ഫിഷറീസ് യു.പി, ആര്‍.സി.യു.പി, സൌത്ത് മാപ്പിള യു.പി എന്നീ വിദ്യാലയങ്ങള്‍ സ്ഥാപിക്കപ്പെട്ടിരുന്നു. ഇതു മൂലം അര നൂറ്റാണ്ടിനു മുന്‍പ് തന്നെ ഈ പഞ്ചായത്തിന് മറ്റു പ്രദേശങ്ങളെ അപേക്ഷിച്ച് ഉയര്‍ന്ന സാക്ഷരത കൈവരിക്കാന്‍ കഴിഞ്ഞിട്ടുണ്ട്.
1955 -ല്‍ സ്ഥാപിക്കപ്പെട്ട കമലാ നെഹ്രു ഹൈസ്കൂള്‍ ആണ് പഞ്ചായത്തിലെ ആദ്യത്തെ ഹൈസ്കൂള്‍. 1936-ല്‍ സ്ഥാപിക്കപ്പെട്ട ബോര്‍ഡ് സ്കൂള്‍ സമീപകാലത്ത് ഹൈസ്കൂളായി ഉയര്‍ത്തിയതോടെ ഇപ്പാ‍ള്‍ പഞ്ചായത്തില്‍ രണ്ട് ഹൈസ്കൂളുകള്‍ ഉണ്ട്.

എല്‍.പി.സ്കൂളുകള്‍ (5)
1. കടപ്പുറം എല്‍.പി.സ്കൂള്‍
2.ഈസ്റ്റ് എല്‍.പി.സ്കൂള്‍
3.ഖദീജുമ്മ മെമ്മോറിയല്‍ മാപ്പിള എല്‍.പി.സ്കൂള്‍
4.ബോധാനന്ദ വിലാസം എല്‍.പി.സ്കൂള്‍
5.ശ്രീ വിദ്യാപോഷിണി എല്‍.പി.സ്കൂള്‍

യു.പി.സ്കൂളുകള്‍ (4)
1. സൌത്ത് മാപ്പിള യു.പി.സ്കൂള്‍
2. ഗവണ്മെന്റ് ഫിഷറീസ് യു.പി.സ്കൂള്‍
3. ആര്‍.സി.യു.പി.സ്കൂള്‍
4. തൃത്തല്ലൂര്‍ യു.പി.സ്കൂള്‍

ഹൈസ്കൂളുകള്‍ (2)
1. കെ.എന്‍ .എം.വി.എച്ച്.എസ്.എസ്-വാടാനപ്പള്ളി, തൃത്തല്ലൂര്‍
2. ജി.എച്ച്.എസ്.എസ്-വാടാനപ്പള്ളി

ആരോഗ്യം
1960-കളുടെ തുടക്കത്തില്‍ വാടാനപ്പള്ളി പ്രൈമറി ഹെല്‍ത്ത് സെന്റെര്‍ ആരംഭിച്ചതോടെയാണ് പൊതുമേഖലയില്‍ അലോപ്പതി ചികിത്സാ സൌകര്യം നിലവില്‍ വന്നത്. ഇപ്പോള്‍ സര്‍ക്കാര്‍ ആയുര്‍വ്വേദ ഡിസ്പെന്‍സറി, പ്രൈമറി ഹെല്‍ത്ത് സെന്റെര്‍ എന്നിവ കൂടാതെ നിരവധി സ്വകാര്യ ആശുപത്രികളും വാടാനപ്പള്ളിയില്‍ പ്രവര്‍ത്തിച്ചു വരുന്നുണ്ട്.

ഗതാഗതം
ഇന്നത്തെ ദേശീയ പാത -17 പണ്ട് ആല-ചേറ്റുവ റോഡ് എന്ന പേരിലാണ് അറിയപ്പെട്ടിരുന്നത്. ഈ റോഡിന് സമാന്തരമായി പടിഞ്ഞാറ് ഭാഗത്ത് പടിഞ്ഞാറേ ടിപ്പുസുല്‍ത്താന്‍ റോഡും, കിഴക്കു ഭാഗത്ത് കിഴക്കേ ടിപ്പുസുല്‍ത്താന്‍ റോഡും ഉണ്ട്. ടിപ്പുവിന്റെ ചേറ്റുവ കോട്ടയും അവിടെ നിന്ന് നടത്തിയ പടയോട്ടവും തിരിച്ചുവരവുമായി ബന്ധപ്പെടുത്തിയാണ് ഈ രണ്ടു റോഡുകളും അങ്ങനെ അറിയപ്പെടുന്നത്.
റോഡ് ഗതാഗതം രൂപപ്പെടുന്നതിന് മുന്‍പ് വഞ്ചി മാര്‍ഗമാണ് പ്രധാന യാത്രകളെല്ലാം നടത്തപ്പെട്ടിരുന്നത്. 1964-ല്‍ ഉദ്ഘാടനം ചെയ്ത കണ്ടശ്ശാംകടവ് പാലം വാടാനപ്പള്ളിയുടെ സമഗ്ര വികസനത്തിന് വമ്പിച്ച മുതല്‍ക്കൂട്ടായിരുന്നു. വാടാനപ്പള്ളിയില്‍ നിന്ന് തൃശൂര്‍ക്ക് നേരിട്ടുള്ള ബസ് സര്‍വ്വീസ് ആരംഭിച്ചത് ഇതിനെ തുടര്‍ന്നാണ്.

ഇന്ന് കൊടുങ്ങല്ലൂര്‍ മുതല്‍ ചേറ്റുവ വരെയുള്ള മണപ്പുറം മേഖലയില്‍ ദ്രുതഗതിയില്‍ വികസനം നടന്നു കൊണ്ടിരിക്കുന്നത് വാടാനപ്പള്ളിയിലാണ്. നൂറുകണക്കിന് ഓട്ടോറിക്ഷകള്‍, ടാക്സികള്‍, ഇരുചക്രവാഹനങ്ങള്‍ എന്നിവയും ദൈനദിന യാത്രക്കായി ഉപയോഗപ്പെടുത്തുന്നുണ്ട്. പൊള്ളാച്ചി,കോയമ്പത്തൂര്‍, തൃശൂര്‍ തുടങ്ങിയ വന്‍ നഗരങ്ങളുടെ ഏറ്റവും അടുത്ത കടലോരമാണ് വാടാനപ്പള്ളി ബീച്ച്. ഇന്ന് തിരക്കേറിയ ഒരു ഗതാഗത മേഖലയായി വാടാനപ്പള്ളി പഞ്ചായത്ത് ഉയര്‍ന്നു കഴിഞ്ഞു.

ചിട്ടപ്പെടുത്തിയത് : രാജേഷ്.കെ.ആര്‍
( അവലംബം : വാടാനപ്പള്ളി ഗ്രാമപഞ്ചായത്ത് വികസന റിപ്പോര്‍ട്ട് )

സ്കൂളിന്റെ ചരിത്രത്തിലേക്ക്.....

2009-12-11T20:16:00.001+05:30

തൃശൂര്‍ ജില്ലയിലെ വാടാനപ്പള്ളി ഗ്രാമപഞ്ചായത്തിലാണ് കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂള്‍ സ്ഥിതിചെയ്യുന്നത്. 1955 മെയ്-25 ന് മുന്‍പ്രധാനമന്ത്രി ശ്രീമതി ഇന്ദിരാഗാന്ധിയാണ് സ്കൂളിന്റെ ശിലാസ്ഥാപനം നടത്തിയത്. അതേ വര്‍ഷം ഒക്ടോബര്‍ 30-ന് കേരളത്തിലെ പ്രഥമ ഗവര്‍ണര്‍ ഡോ: ബി.രാമകൃഷ്ണറാവുവാണ് ഉദ്ഘാടനം നിര്‍വ്വഹിച്ചത്. മണപ്പുറത്തിന്റെ വിദ്യാഭ്യാസ ചരിത്രത്തിലെ ഒരു പ്രധാന മുന്നേറ്റമായിരുന്നു ഇത്. ഇപ്പോള്‍ വാടാനപ്പള്ളി കോ-ഓപ്പറേറ്റീവ് സൊസൈറ്റി സ്ഥിതിചെയ്യുന്ന കെട്ടിടത്തിലാണ് സ്കൂള്‍ പ്രവര്‍ത്തനമാരംഭിച്ചത്. വാടാനപ്പള്ളി പഞ്ചായത്തിലെ ആദ്യത്തെ ഹൈസ്കൂളായിരുന്നു ഇത്.

അന്തരിച്ച ശ്രീ.കളപ്പുരയില്‍ ബാലകൃഷ്ണന്‍ നായരുടെ അശ്രാന്ത പരിശ്രമത്തിന്റെ ഫലമായാണ് സ്കൂള്‍ സ്ഥാപിതമായതെന്ന് പറയാം. ശ്രീമതി ശാരദാ ബാലകൃഷ്ണനായിരുന്നു സ്കൂളിന്റെ അന്നത്തെ മാനേജര്‍. 1958-ലാണ് ഇപ്പോള്‍ സ്ഥിതി ചെയ്യുന്ന സ്ഥലത്തേക്ക് സ്കൂളിന്റെ പ്രവര്‍ത്തനം മാറ്റിയത്.

1985-ല്‍ ശ്രീ.കെ.വി.സദാനന്ദന്‍ സ്കൂളിന്റെ മാനേജ്മെന്റ് ഏറ്റെടുത്തു. 1993 ഡിസംബര്‍ 17-ന് സ്കൂളിന്റെ ഒരു കെട്ടിടം ഭാഗികമായി കത്തി നശിക്കുകയുണ്ടായി. അതിനു ശേഷമാണ് 1995-ല്‍ ഇപ്പോഴത്തെ കെട്ടിടം പണി തീര്‍ത്ത് പ്രവര്‍ത്തനം അതിലേക്ക് മാറ്റിയത്. ആ വര്‍ഷം തന്നെ സ്കൂളില്‍ വൊക്കേഷണല്‍ ഹയര്‍ സെക്കണ്ടറി കോഴ്സ് ആരംഭിച്ചു. തുടര്‍ന്ന് 2004-ല്‍ ഹയര്‍ സെക്കണ്ടറി കോഴ്സും അനുവദിച്ചു കിട്ടുകയുണ്ടായി. മണപ്പുറത്തിന്റെ അഭിമാനമായി, പാഠ്യ- പാഠ്യേതര- കായിക രംഗങ്ങളിലെ മുന്നേറ്റങ്ങളുമായി, കമലാ നെഹ്രു മെമ്മോറിയല്‍ വൊക്കേഷണല്‍ ഹയര്‍ സെക്കണ്ടറി സ്കൂള്‍ ഇന്നും അതിന്റെ പ്രയാണം തുടരുകയാണ്.